المعمول .. تتعدد طرق تحضير المعمول في البلاد العربية ، وللحلويات الخليجية مكانة مميزة للضيافة العربية ، ابدأي بالتحضير لعيد الأضحى بوصفة المعمول الهش ..
المعمول
المقادير :-
- كوبين دقيق
- معلقة كبيرة سكر
- نص كوب سميد
- نص معلقة صغيرة ملح
- معلقة كبيرة حليب بودرة
- نصف كوب سمنه بارد
- نصف معلقة صغيرة بيكنج بودر
- كوب وربع ذبدة باردة
- نصف معلقة صغيرة محلب
- نصف معلقه كبيره خميره فوريه
الحشو :-
- نصف كوب سكر
- نصف كوب عين جمل او اى مكسرات
- نصف كوب سميد
- معلقة صغيرة قرفة
- نصف كوب عجوة طرية
- معلقة صغيرة ماء زهر
- نصف كوب سمسم
- معلقة كبيرة شربات تقيل عسل ابيض
طريقة التحضير :-
لعمل الحشو :-
فى بوله نخلط السكر والعجوة والسمسم والسميد وعين الجمل والقرفة وماء الزهر والعسل ونقلبهم مع بعض كويس ونعمل كرات صغيرة .
لعمل المعمول :-
- نضيف الدقيق والسميد والحليب البودرة والبيكنج بودر والسكر والسمنه والذبدة ونبثهم مع بعض بإيدينا او بالميكسر لحد ما الخليط يتجانس
- نجيب نص كوب ماء دافئ وندوب فيه الخميرة مع نص معلقه سكر صغيرة ونقلبهم على بعض ونضيفهم للخليط السابق ونكمل عجين لحد ما الخليط يتجانس
- نحط العجينه فى طبق كبير ونغطيه و نسيب العجينة ترتاح ساعة فى الثلاجة
- نقطع عجينة المعمول حسب حجم القالب وناخد كل قطعه من العجينه فى بطن الايد الشمال ونحفرها باصبع الايد اليمين بحيث نعمل تجويفه داخل العجينه بالتساوى ونحشيها ونحط فيها كورة من الحشو ونلف اطراف العجينه فوق الحشو بالراحة
- نجيب قالب المعمول ونرش دقيق بسيط ونحط فيه القطعه ونضغط عليها بالراحة وبعدين نضرب حافة القالب على حافة الطرابيزة او الرخامه عشان تقع المعمول من القالب
- نجيب صينية ونمسحها بنقطة زيت بسيطة باستخدام منديل ورقى ونرص فيها المعمول وندخلها الفرن فى الرف الوسطانى على درجة حرارة 190 لحد ما ياخد لون دهبى غامق شويه
Comments are closed.