سدق ولا سجق؟ وأصل تسميته

في خناقة كبيرة دايره على الوسشيال ميديا بين الاسكندرانية وباقي محافظات مصر 😂 هو اسمه سدق ام سجق؟

بخبراتي ودراساتي في الموضوع ده .. هو أصلا بالتركي بتنطق soudjouk .. اللي مش مصدق يترجمها في جوجل ويسمعها ..

والاختراع ده أصلا وصل اسكندرية في أواخر القرن التاسع عشر اللي كانت بتشتهر بالبقالة وبيسيطر عليها الأجانب وخصوصا الأتراك والأرمن واليونانيين ..

والكلمة تنطق سودچوك بالتركي (مطلوب تاكيد) لكن الأكيد ان في صربيا (منطقة البلقان برضو) تنطق سودچوك يعني حرف الدال قبل الجيم ومعظم الجاليات الأجنبية اللي في طريقها للانقراض في اسكندرية تقريبا وخصوصا الجريك كانوا بيقولوا سيدوو وبعضهم كان بيقول سيدوؤ ..

يعني كانوا بيكسروا حرف السين جامد وبينطقوها بالدال مش بالجيم وبيضموا حرف الدال جامد..

وطبعا علشان اسكندرية كانت مليانة اجانب فاهمين الموضوع ده لغاية وقت قريب فضلت اسكندرية محافظة على كلمة سدق دونا عن باقي المحافظات ..

ده اصل الكلمة من الناس اللي اخترعت السيدوؤ .. اللي اقرب لها في النطق سدق .. وفي الآخر ييجي واحد يتفزلك علينا ويقولنا بكل ثقة ان اسمها سجق

تعديل: السدق أصلا من منطقة البلقان وليس من تركيا تحديدا

نقلا عن / Mostafa Saber