اقدم مصباح في العالم

اللمبه دي مش زي اي لمبة ممكن تكون شفتها او هتشوفها في حياتك ، دي لمبة ليها اسم ومشهوره جدا .

طيب ايه قصة اللمبه الغريبه دي ؟

اللمبة اللي قدامكم دي اسمها Centennial Light وهي أقدم لمبة في العالم وشغاله من سنة 1901 يعني بقالها 119 سنة مبتطفيش ، متخيلين ؟

وكانت في الاصل قوة اضاءتها 30 او 60 واط لكن مع مرور السنين قوة الاضاءه ليها ضعفت ووصلت ل 4 واط

طبعا كلكم معتقدين ان اللي اخترعها توماس اديسون !! لكن الحقيقة ان اللي اخترع اللمبة العجيبة دي هو المهندس الفرنسي أدولف تشيليه وعنده براءة اختراع لمصباحه السحري العجيب ده

اللمبة مصنوعة يدويًا من خيوط الكربون واتصنعت في شيلبي بولاية أوهايو في القرن ال19 .

اول شخص لاحظ موضوع طول عمر اللمبة الصحفي ماسك دونستان سنة 1972 بعد مقابلات اجراها مع أشخاص عاشوا في مدينه ليفرمور طول حياتهم ، وكتب ماسك عنها انها اقدم لمبه في العالم , ودخلت موسوعة جينيس للارقام القياسية

سنة 2001 احتفلوا بعيد ميلاد اللمبة ال 100 وكانت حفلة كبيرة .

في امريكا بيحافظوا علي اي حاجه تاريخيه حتي لو عمرها 100 سنه فقط وحتي كمان لو كانت مجرد لمبة وعلشان كدا بيتم رعاية اللمبة عن طريق لجنة Centennial Lightb ، وهي لجنه مكونة من :

• قسم إطفاء ليفرمور
• بليزنتون
• نقابة ليفرمور للتراث
• مختبرات لورانس ليفرمور الوطنية
• مختبرات سانديا الوطنية

هي موجودة حاليا في إدارة المطافي في ليفرمور – كاليفورنيا و ممكن تشوفوا فيديو ليها من هنا

كاتب المقال :-

Sayed Fouda