Take a fresh look at your lifestyle.

هيوستن Houston أكبر مدن ولاية تكساس

469

مدينة هيوستن في ولاية تكساس بالولايات المتحدة الأمريكية .

هيوستن Houston هي أكبر مدن ولاية تكساس، ورابع أكبر مدن الولايات المتحدة الأمريكية ، ومساحتها 1,558 كم² , كان عدد سكانها سنة 2005 تقريباً 5.9 مليون نسمة .

هيوستن تعتبر مركز ثقافي واقتصادي كبير بالنسبة لمنطقة ساحل الخليج في الولايات المتحدة الأمريكية وكان اسمها أول كلمة اتنطقت لما رواد الفضاء هبطوا على سطح القمر .

المدينة لقبها “مدينة الفضاء” علشان موجود فيها مركز لندون بي جونسون للفضاء التابع لوكالة لناسا للفضاء ، وفعلا صور رواد الفضاء والمركبات الفضائية في كل مكان حتي في الأسانسيرات والفنادق والشوارع .

هيوستن كانت مدينة مكسيكية وخدتها أمريكا بالحرب ، لكن عايش فيها عدد كبير جدا من المكسيكيين .

المدينة تعتبر عالمياً مركز لشركات الطاقة العالمية وخصوصاً شركات البترول ، والمدينة فيها ميناء هيوستن واسمه قناة هيوستن للسفن وهو رقم واحد بالنسبة لموانئ الشحن الدولية في الولايات المتحدة .

وفيها مركز تكساس الطبي وهو أكبر تجمعات معاهد الأبحاث الطبية في العالم وفيها كمان مطارين رئيسيين ، واحد للطيران الداخلي ( مطار هوبي ) وده في جنوب هيوستن والمطار التاني دولي (مطار جورج بوش الدولي) و ده في شمال هيوستن .

هيوستن فيها حديقة حيوان كبيرة جدا و مساحتها 55 فدان وتعتبر واحدة من أكتر مناطق الجذب العائلية عند السكان المحليين والزوار ، الحديقة فيها اكتر من 6000 حيوان ، وفيها كمان مركز تعليم وحديقة حيوانات للأطفال .

في شارع فيها مشهور جدا واسمه شارع هيوستن للفنون و الشارع ده فيه لوحات جدارية ملونة برسومات جرافيتي ، وبعض الرسومات اللي رسمها أشهر فنانين جرافيتي في كل أمريكا زي جونزو اللي رسم 247 لوحة وطول ما انت ماشي في شوارع هيوستن هتشوف رسومات مبهجة في شوارعها بكل الاحجام والأشكال .

في شارع 19 ممكن تشتري انتيكات قديمة وديكورات اثرية و المنطقة دي فيها كل أنواع المحلات اللي بتبيع كل حاجة زي ملابس السهر و الملابس الكاجوال و المجوهرات والأحذية والأدوات المنزلية والهدايا .

المدينة اتأسست في أغسطس سنة 1836 بعد ما اشتري الأخوين ألين (جون كيربي وأغسطس تشابمان) 27 كيلومتر مربعاً من الأرض مقابل 9,428 دولاراً أمريكي بس وسموها “هيوستن” نسبة للحاكم سام هيوستن اللي كان قائد عسكري في حرب استقلال تكساس سنة 1836.

وامريكان كتير جدا من كل الولايات بتنقل لتكساس عموما وهيوستن خصوصا وده لثلاثة أسباب :-
الأول : عدم دفع الضرائب للولاية وبيدفعوا بس الضرائب الاتحادية بعكس باقي الولايات الأمريكية .
الثاني : اسعار البيوت رخيص جدا بالمقارنة بباقي الولايات .
ثالثا : وجود شركات البترول و مركز تكساس الطبي والجامعات والميناء ومركز ناسا خلوا وضع تكساس الاقتصادي كويس جدا .
ومفيش سقعة ولا تلج في الشتا والناس بتسهر والدنيا جميله هناك .

Comments are closed.