Take a fresh look at your lifestyle.

ماهي درجات الحروق وطريقة عمل الإسعافات الأولية

251

بص يا غالى مقال اليوم عن الإسعافات الأولية هنتكلم فيه عن الإسعافات الأولية للحروق.

ماهي درجات الحروق؟

درجات الحروق
درجات الحروق

عندنا الحرق ٣ درجات : فى البيت أو الصيدلية هنتعامل مع نوعين منهم فقط.

النوع الأول و هو الحرق السطحى :

” كتيره احمرار فى الجلد التهاب بسيط ” هيحط الحرق تحت المياه الباردة أو الفاترة من الحنفية ربع ساعة + كريم ديرمازين أو ميبو .⁦

⁩وممنوع استخدام معجون الأسنان أو البيض او العسل أو الثلج .المعجون للأسنان فقط يا جماعه هياخد وقت من ٣ ايام لأسبوع و يبقا تمام

النوع الثاني طيب حرق الدرجه التانية :

وده بيبقا مؤلم و شديد ، و بيظهر فيه فقاقيع .

طيب انا هعمل ايه ؟ لأ اجمد كدا ، أنت أسد يالا .

هنمشى بنفس الخطوات :

١- هنحط الحرق تحت الماء لمدة ربع ساعة ” مياه بارده أو دافئه ”

طيب الفقاقيع هنعمل فيها إيه ؟

ممكن تفضيها بإبرة سرنجة ” معقمة ” و تسيب الجلد بتاعها زى ما هيه و نغسلها بسالين و بعدين بيتادين و بعدين سالين.

طيب هنحط كريمات ؟

ايوه اومال إيه ، هتدهن ميبو + فيوسيدين كريمو بعدين تتغطى بشاش فازلين و بعدين شاش عادى و تلزقه .

و ممكن تريح دماغك و لا تفضي الفقاعات، و هيه هتنشف مع الوقت .

هتاخد وقت أسبوعين او تلاته بالكتير إن شاء الله ، و هتبقى تمام .

طيب لو عايز مسكن؟

ممكن ياخد بروفين أو كتافلام قرص ٣ مرات يوميا ” المهم ما يكونش عنده مشاكل فى المعدة أو الكلى ” .

أخيرا : ما يتعرضش للشمس علشان ما يتغيرش اللون بشكل دائم .دمتم بخير يا غاليين .⁦

نقلا عن دكتور ناجي الملاحي

Comments are closed.