لو متعرفشي قصة كنيسة لاليبيلا يبقى تعالى أحكيلك القصة .
دي صورة لكنيسه حيرت العلماء لقرون طويلة وأسمها لاليبيلا، موجودة في قلب الجبل علي بعد 640 كيلو من أديس أبابا عاصمة أثيوبيا، لكن الإثيوبيين بيزعموا ان الجن هما اللي نحتوها في الجبل، والكنيسة مبنية علي شكل صليب، ممكن في البداية لو انت جاي من بعيد لسه تعتقد على الأرض، لكن في الواقع ان ده سقف كنيسة سان جورج من بين 11 كنيسة متجانسة من كنائس لاليبيلا اللي بينسب بناؤها للملك لاليبيلا اللي حكم إثيوبيا في بدايات القرن ال13 واللي امر بنحتها في قلب الجبل، وكان عايز ينشئ مدينة مقدسة علشان تكون أورشليم جديدة، ويجي إليها كل مسيحيين العالم من كل مكان علشان يحجوا فيها .
وفعلا في آلاف المسيحيين بيحجوا إليها كل سنه وعلشان كمان يشوفوا تابوت العهد، واتفقت فرنسا مع إثيوبيا انهم هيحموها من النحت والتآكل، واليونسكو اعتمدتها من ضمن التراث العالمي.
ليه بقي في كثير من الاثيوبيين معتقدين ان الجن هو اللي بني الكنيسة دي؟
علشان الكنيسه اتبنت من العصور الوسطى من 800 سنه وفي الوقت ده مکنش لسه موجود معدات البناء الحديثة اللي تخرج مبني بالشكل الدقيق والهندسي ده ومكنش فيه التقنيات الحديثة اللي تساعد على الحفر والإنشاء بالطريقة دي فالناس في اثيوبيا قالت أن الكنائس دي اللي بناها هم الجن مش البشر لان كان مستحيل مبني زي ده يتبني بالشكل ده في الزمن ده .
وطبعا الناس طلعت مئات الأساطير والحكايات الغريبه عن الكنيسة دي زي مثلا أن الجن والشياطين هما اللي بنوها ، وفي ناس تانيه قالت ان في طفل اسمه لاليبيلا وفي يوم والدته اكتشفت سرب من النحل حوله ، والنحل له دلالات في الأساطير المحلية في اثيوبيه وهو انه بينقل الإنسان للمستقبل، وان الطفل اتنقل للمستقبل علشان يشوف أنه بقي ملك للقدس وانتصر على اخواته اللي حاولوا انهم يقتلوه بالسم، وبعد كدا قعد علي عرش القدس، ورجع بعد كدا وهو معاه اعداد كبيرة من الأرواح إلى لاليبيلا وساعدوه في بناء الكنيسة بشكلها الغريب والمحير
Comments are closed.