قصة فيوليب چيسوب

By Ahmed Hussien Last updated يناير 22, 2022

تعالي احكيلك قصة غريبة شوية . .

قصتنا بتبدأ من 134 سنة تقريباً لما اتولدت بنت أسمها فيوليت جيسوب Violet Jessop يوم 2 أكتوبر سنة 1887 في مدينة يوينس آيرس في الأرچنتين ، من والدين من أصول إيرلاندية ، و كان والدها ويليام جيسوب بيعمل في تربية الماشية ، كانت فيوليب هي أكبر اخواتها التسعة .

ولما كانت فيوليت طفلة أصيبت بمرض السل ، ووقتها قال الأطباء ان مستحيل شفائها منه ، لكنها بمعجزة تجاوزت المرض وخفت وكملت حياتها بصحة جيدة. .

وبعد وفاة والدها هاجرت العائلة إلى أنجلترا ، وعملت والدتها مضيفة على متن بواخر شركة رويال مايل ستيم باكيت، ووضعت أخواتها في ملجأ للأيتام ، وكانت فيولييت بتعتني بأختها الصغيرة ، لكن بعد وقت قصير تم ارسالها الي الدير علشان تتم دراستها. .

المهم ان فيوليب دي بعد كدا اتشهرت في العالم كله كأكثر امرأة محظوظة في العالم . .

ليه بقي خدت اللقب ده؟
تعالي بقي احكيلك . .

في البداية فيوليب عملت مُضيفة على سفينة ضخمة أسمها ار-أم-اس أوليمبيك لكن السفينة دي اصطدمت بالسفينة البريطانية الحربية اتش-ام-اس هوك يوم 20 سبتمبر سنة 1911 وقدرت تنجوا بأعجوبة من الحادثة البشعة دي ، وبعد فترة اشتغلت تاني ممرضة ضمن الفريق الطبي على سطح السفينة العملاقة أر-أم-أس تيتانيك (طبعاً كلكم عارفينها) لكن للاسف بعد عمل فيوليب عليها عملت حادثة واصطدمت بجبل جليدي ضخم شمال المحيط الأطلسي وغرقت السفينة باللي عليها يوم 15 أبريل سنة 1912 ، لكن فيوليب قدرت تنجو من الموت .

تهدي بقي ست البنات وتقعد في البيت !؟ لأااا
فضلت تدور علي شغل لحد ما أخيراً عملت ممرضة متطوعة تابعة للصليب الأحمر البريطاني على متن السفينة الضخمة بريتانيك ، وده كان في فترة الحرب العالمية الأولى، لكن للأسف فيوليب البومة جابت اجل السفينة وغرقت زي الاتنين اللي قبلها لما اصطدمت بلغم بحري عند السواحل اليونانية يوم 21 نوفمبر سنة 1916 م ومات 30 شخص في الحادثة دي لكن فيوليب نجت برضو .

دلوقتي اكيد عرفتوا ليه فيوليب اتلقبت بأكثر امرأة محظوظة في العالم . . فبقدر غريب ومبهر قدرت انها تنجو من 3 حوادث غرق كبرى ل 3 سفن عملاقة كان من الصعب جدا نجاه حد منهم . .

اشتغلت فيوليب جيسوب 42 سنة تقريباً في البحر ما بين سنة 1908 الي سنة 1952 ، ولما تقاعدت قامت بكتابة مذكرات حياتها الخاصة واخيراً ماتت فيوليب وودعت العالم سنة 1971 عن سن يناهز 83 سنة .

كاتب المقال :-

Sayed Fouda

قصص حقيقية أخرى أعدها الأستاذ سيد فودة