صدفة أختراع المايكروويف

عارفين الميكرويف اللي بنستخدمه في المطبخ ده فكرته جت ازاي؟

تعالي بقي احكيلك علشان هو موضوع غريب شوية.

سنة 1945 كان في واحد اسمه بيرسى سبنسر بيشتغل فى شركة اسمها رايثيون ودي شركة بتصنع أجهزة الردار، وفي يوم من الايام كان سبنسر معدي جنب جهاز من أجهزة الرادار اللي في الشركة فا وهو ماشي حط ايده في جيبه بس لا حظ أن الشوكولاتة اللي كانت فى جيبه ساحت على الرغم من أنه كان موجود فى غرفة باردة..

سبنسر استغرب جدا، ازاي الشيكولاته دي ساحت كدا؟ وبدأ فى التفكير ، ايه اللي حصل؟ وايه اللي خلي الشوكولاته دي تسيح..

وبدأ سبنسر يجرب كل حاجة كان بيعملها في الوقت ده علشان يعرف السبب ، وفي تجربه من التجارب سبنسر وضع غلاية شاى جنب أجهزة الردار وفوجىء بأن الشاى بيغلى. وحط برضو بيضة فى وعاء جنب جهاز من اجهزة الرادار فانفجرت البيضة فى وش المهندس اللي كان واقف جنبه ، وهنا بدأ سبنسر يفهم ايه اللي بيحصل و الفكرة جاتله لتصنيع أول ميكروويف بيعمل بموجات الردار ، لان الموجات دي بتقدر تسخن وتسوي الأكل ، وفعلا انشأ أول فرن ميكروويف ، وكان أول حاجة يطبخها فيه كان الفشار …

و الميكروويف بيستخدم موجات الردار على تردد 2500 ميجاهرتز تقريباً علشان يسخن الأكل ، واللي بيحصل ان الميكروويف بيمتص الماية من الدهون والسكريات وبيحولها لحرارة بسرعة جدا .

كاتب المقال :-

Sayed Fouda