سيرن ورمز لوسيفر “صفقات الشيطان”

By Ahmed Hussien Last updated يناير 22, 2022

تنبيه قبل ما نبدأ : – اللي هتقروه في المقال ده مش خيال علمي ، ده واقع وكل أحداثة حقيقية وبالأدلة .

تاريخ واحداث حصلت فعلا ، والبحث عن الاحداث دي بياخد وقت طويل وبحث في مراجع ومصادر من كل مكان في العالم ، والمجهود الاكبر بيكون في ربط الاحداث ببعض ، و بسمع اراء محلليين وباحثين علشان اقدر اطلع في الاخر بالمقالات دي . .

و عايز أقول للناس اللي مش مقتنعة أن في جماعة بتتأمر علي شعوب الأرض ، وده رأيهم وهما حرين فيه طبعاً ، ممكن يقرأوا في تاريخ الجماعات المتحكمه في العالم او يعملوا سيرش في جوجل عن اي معلومه هكتبهالكم ويكتشفوا الحقيقة بنفسهم.

اما بالنسبه لكتيبة ال Heartless مدمنين الأدرينالين ، فعايزكم تجهزوا الطقوس بتاعتنا وكل واحد فيكم يجيب فنجان القهوة علشان الموضوع محتاج تركيز ، ويشوف مكان هادي، ويحاول يفصل عن العالم الخارجي ، ويخلي كل تركيزه معايا علشان انا هخدكم معايا لعالم غامض وصادم . .يالا بينا..

هحكيلكم النهاردة عن منظمة سيرن ، واكيد كتير منكم عارفها أو سمع عنها والمنظمة دي أكبر منظمة اوروبية للابحاث، وأسم سيرن CENR هو أختصار ل (المجلس الأوربي للأبحاث النووية) ، وتعتبر أكبر مركز تجارب وأبحاث لفيزياء الجسيمات في العالم ومكانها في جينيف علي الحدود السويسرية الفرنسية . .

هدف المنظمة المعلن واللي بيقولوه في وسائل الأعلام هو محاولة فهم نشأ الكون وتكوين الجسيمات وطرق التفاعل بينهم وتمدد الفضاء وتحركه وكيفية فناءه ، ومش كدا وبس ، دي كمان بتبحث في كل ما يخص الأطباق الطائرة والكائنات الفضائية ودراسة أمكانية وجودها من عدمه ، وعدد الدول الأعضاء في منظمة سيرن 21 دولة والميزانية المعلن عنها 2 مليار دولار أمريكي , وده المعلن قدام الاتحاد الاوربي وطبعاً ماخفي كان أعظم . .

وسنة 1954 قررت منظمة سيرن انها تصنع أقوي وأكبر منشأة عندها علي الأطلاق وأسمها Large Hardon collider ودي ألة ضخمة جدا لتسريع وتصادم الجسيمات ، وهي عبارة عن انبوبة مهولة ، حجمها 27 كيلومتر ، موجودة تحت الارض بيتم فيها عمل تصادم للجسيمات ، عشان يتم فيها تسريع التصادم لاكبر عدد ممكن وسرعتها بتوصل لسرعة قريبة من سرعة الضوء، وعلشان التجارب دي خطيرة جدا تم بناء الأمبوبة الضخمة تحت الارض بعمق كبير جدا ، واللي بيقوم فيه علماء المنظمة بأكبر وأخطر تجربة في تاريخ البشرية . .

والتجربة دي في اعتقاد المنظمة هي اللي هتحل لغز نشأت الكون . . وركزوا بقي في اللي جاي علشان ده اللي هيشرحلكم الناس دي بتحاول تعمل ايه في الظاهر . . هما بيقولوا أن قبل أكتر من 13 مليار سنة حصل أنفجار عظيم نتج عنه أعداد رهيبة من الجسيمات الذرية زي البروتونات والنيترونات والألكترونات وأتكونت ذرات الهيدروجين والهيليوم والليثيوم بفعل التصادم بينهم نتيجة الحرارة الرهيبة وقوة الدفع الخرافية اللي نتجت عن الأنفجار ، ومع الوقت الذرات دي بقي فيها تعادل كهربائي واتشكلت سحب عملاقة كونت بعد كدا نجوم ومجرات . . وده بأختصار شديد مبدأ نظرية الأنفجار العظيم Big Bang واللي بتبحث في كيفية خلق الكون ، والهدف من جهاز مسرع الجسيمات هو محاكاة عملية تصادم الجزئيات بأستخدام طاقة رهيبة وسرعة زي سرعة الضوء . . وبعد كدا بيتم رصد نتائج عملية تصادم الجسيمات وتحليلها علشان يقدروا يتوصلوا لنشأه الكون من خلال عملية التصادم . .

سنة 2012 قدروا يكتشفوا جسيم بوزون هيجز وده من الجسيمات الأساسية في نشأة الكون ، وعلشان كدا سموه (جسيم الرب) وعلي فكرة العلماء اللي في منظمة سيرن ملحدين ومش بيؤمنوا بوجود آله خلق الكون و بيعتقدوا ان الكون اتخلق صدفة بعد ما حصل الانفجار العظيم اللي بيقولوه عليه ، وبعد كدا ظهر جسيم الرب وده المسؤول عن خلق المادة والكون ، وهو ده اللي أكتشفوه سنة 2012 علي حد كلامهم يعني ، وبيقولوا ان البشر كانوا عبارة عن بيكتيريا واتحولت بعد كدا لحيوانات ، وبيقولوا ان التطور فضل مستمر لحد ما الحيوانات اتطورت لانسان عاقل ومتطور، وعلي فكرة أنا قابلت ناس كتير ملحدين بيؤمنوا بالكلام ده ، المهم ان العلماء في منظمة سيرن عايزين كمان يثبتوا لكل المؤمنين بالأديان وبوجود أله خالق للكون فكرتهم الالحادية بس بالعلم والنظريات وده سبب أنهم أنشؤا منظمة سيرن والة تصادم الجسيمات الجبارة . .

والطريقة اللي هما عايزين يوصلوا بيها لبداية نشأت الكون أنهم يرجعوا لنقطة البداية ، يعني يرجعوا بالزمن لورا مليارات السنين ، أنا عارف انه كلام غريب عليكم وكله جنان بس ده الواقع اللي بيحصل فعلا . .

وهما فعلا بيحاولوا يرجعوا بالزمن لورا لحد ما يوصلوا للنقطة اللي كان الكون لسه ماتخلقش ، عشان يقدروا يقفوا قدام كل اللي بيعارض افكارهم الألحادية و يقولوا ان الكون اتخلق بالصدفة ومفيش اله خلق الكون . .

لكن سنة 2008 ولما كانت بدأت سيرن في التجارب الفعلية لأصتدام الجسيمات ، وفي نفس يوم التجربة بدأت الناس تلاحظ ظهور أصوات غريبة في السماء تشبه اصوات البوق في كذا دولة زي بريطانيا و وأوكرانيا وألمانيا والنمسا وولاية تكساس الأمريكية وبيلاروسيا وكندا وهحطلكم فيديو في الكومنت ، وزادت حده الاصوات بعد سنوات واعتقد بعضكم سمع الاصوات دي في مصر ، ده غير الكوارث اللي حصلت في الارض بعد بداية التجارب في سيرن زي زلزال نيبال المدمر اللي حصل لما مصادم الجسيمات في سيرن كان شغال بكل قوته ، وحصل حاجة غريبة جدا وهي تكوين سحابة كهربائية غريبة فوق مقر سيرن في نفس وقت تشغيل المصادم . . ناس كتير قالت ان اكيد دي صدفة ومفيش علاقة بتربط تشغيل المصادم بالظواهر الغريبة دي أو الكوارث البيئية اللي حصلت ، لكن ستيفين هوكينج Stephen Hawking العالم الفيزيائي الأنجليزي اللي يعتبر اعظم علماء الفيزيا في التاريخ كان دايماً بيحذر العالم من تجارب سيرن وكان بيقول ان التجارب دي هتكون سبب في انشاء ثقب اسود يبلع كوكب الارض وهيبقي سبب في دمار الكون. .

وفي موقع للمعلومات العلمية أسمة Scienceinfo.fr نشر مقال غريب جدا عن أختفاء غامض لعالم فيزياء اسمه بول لامبورت Paul Lambert كان بيعمل صيانة لأنابيب في مصادم هادرون التابع لسيرن ، وبعد تحقيق كبير من مسؤليين الأمن النووي للدولة والمحققيين العلميين والباحثين وبعد البحث في كل الأحتمالات الممكنة ، وصلت تقاريرهم الي ان العالم اللي أختفي ده تم أمتصاصة من ثقب أسود كمي ، والثقب ده يعتبر صورة مصغرة للثقب الأسود الحقيقي اللي موجود في الفضاء ، واتنشأ أثناء تشغيل المسرع في تجربة من التجارب الخاصة ، وانشاء الثقب الاسود حصل بالصدفة . .

هقولكم تعريف بسيط جدا للثقب الأسود وبعد كدا هكملكم اللي حصل مع العالم الفيزيائي اللي أختفه جواه. . الثقب الأسود الحقيقي هو مكان في الفضاء موجودة في الزمكان ، وكلمه زمكان يعني الفضاء بأبعاده الأربعة، وهي الأبعاد ال 3 بالإضافة إلى الزمن , والثقب الأسود بتزداد فيه الجاذبية وبتسحب كل شيء بداخله، حتى أن الضوء مبيقدرش النفاذ من خلاله ، وبسبب الجاذبية الشديدة دي بيحصل انضغاط المادة بشكل كبير في مساحة صغيرة جداً ، وده بيحصل أثناء موت النجوم ، وبسبب عدم نفاذ الضوء من خلال الثقوب السوداء، الناس مبتقدرش تشوفه. .

وبعد ماعرفتوا ايه هو الثقب الأسود خلينا نكمل ايه اللي حصل لما جهاز مسرع الجسيمات عمل ثقب أسود بالصدفة في المختبر ، فاللي حصل ان الثقب جذب العالم الفيزيائي اللي كان موجود في محيط دوامة الثقب الأسود الزمكانية وألقي بيه في زمان أخر ومكان أخر محدش يعرفه لحد النهاردة ، والاخبار دي انتشارها يعتبر مشكله كبيرة لمنظمة سيرن اللي بتعتبر اعظم المختبرات العلمية العالمية وده بيضر بمصداقيتها قدام العالم كله ، والتغطية الأعلامية لخبر اختفاء العالم الفيزيائي في الثقب الأسود أكد مخاوف العلماء الفيزيائيين اللي كانوا معارضين لمشروع سيرن وكانوا دايماً بيقولوا ان المشروع ده خطر علي الكوكب كله وان سيرن هي اكتر مكان مرعب علي وجهه الأرض ، والأشاعات اللي بقت تطلع من يوم خبر أختفاء العالم الفيزيائي خلت الناس تطلع علي منظمه سيرن أسم (مصنع الثقوب السوداء ) وان سيرن هتكون السبب في اختفاء الكرة الأرضية كلها داخل ثقب أسود أكبر من اللي حصل وكان سبب في ضياع الفيزيائي ، وان الموضوع هينتهي بينا في عالم موازي . .

والنظرية دي كان اتكلم عنها العالم الفيزيائي الأنجليزي ستيفين هوكينج Stephen Hawking في كتابه (الثقوب السوداء والأكوان المتعددة والتفردات) Black Holes, Multiverses and Singularities . .

وفي عالم فيزيائي أسمه نيل ديجراس تايسون Neil deGrasse Tyson وهو من كبار علماء الفيزيا في العصر الحديث وحذر برضو من تجارب سيرن وقال ان مجموعة العلماء اللي شغالين في سيرن هم مجموعة مجانين هيفجروا كوكب الارض لشذايا وهيحبسوا الطاقة الخرافية الناتجة من الانفجار في الانبوبة اللي طولة 27 كيلومتر ، ومس بس ستيفين هوكنج ونيل ديجراس اللي كان رأيهم كدا في منظمة سيرن ، ده في علماء كتير في كل دول العالم شايفين ان اللي بيحصل في مصادم الجسيمات العملاق هيسبب دمار لكوكب الارض لكن المنظمة مش عايزه تسمع كلام حد ومستمرة في تجاربها الخطيرة.

الغريب ان العلماء في منظمة سيرن بيحاولوا لحد النهاردة في التواصل مع زميلهم اللي تم امتصاصه في الثقب الأسود وضياعه بين العوالم والأزمان المتعددة ، وده بانهم بينشأوا كل يوم عدد من الثقوب السوداء الجديدة في محاولة للحفاظ علي التواصل مع عالم الفيزياء بول لامبورت Paul Lambert وبيتم رمي حقائب فيها أكل وماء في الثقوب السوداء اللي بينشأوها يمكن تروح لنفس الزمان والمكان اللي راح فيه بول لامبورت ، انا عارف ان الكلام غريب وعامل زي افلام الخيال العلمي بس دي الحقيقة وتقدروا تتأكدوا بنفسكم من الأخبار الغريبة دي . .

كل اللي فات ده كلام علمي ممكن يكون فيه خطوره علي مستقبل الأرض ، لكن انا لسه متكلمتش للجانب الشيطاني لمنظمة سيرن . .

زي ماشرحتلكم ، هما عايزين يطبقوا نظرية اينشتاين في ان لو جسم قدر يوصل لسرعة الضؤ يقدر يتحرك عبر الزمن ولحد النهاردة لسه العلماء في سيرن مش عارفين يفتحوا البعد الزمني والتنقل بين الازمان ، لكن مع محاولات تسريع الجسيمات للوصول لسرعة الضوء ممكن يوصلهم لاختراق البعد الزمني لانهم معتقدين ان لو وصلوا للبوابة الزمنية هيوصلوا لأول جزء من الثانية اللي اتخلق من بعدها الكون ، لكن للأسف كوكب الارض كله هو اللي هيتحمل نتيجة التجربة المجنونه دي . .

العالم أكتشف أن منظمة سيرن بتخدم كيان واحد وهو الكيان الشيطاني ، وانا متأكد ان معظمكم بيقول دلوقتي أن الكلام ده تخاريف وأن نظرية المؤامرة مسيطرة عليا ، فخلوني اقولكم بعد الدلائل الغريبة والمخيفة علي الأنشطة الشيطانية للمنظمة دي ، في علماء غربيين ورجال دين زي مثلا القس الأمريكي ستيفين ديبربي تسألوا عن مغزي وضع تمثال شيفا Shiva موجود في مقر منظمة علمية بحثية كاسيرن !؟ ، وشيفا يبقي اله الدمار والهلاك والخراب عند الهندوس وبيجسد القوة اللي بتعمل علي خراب الكون بكل ما فيه من كائنات حية . .

صحيح ، مش غريبة تكون منظمة علمية كبيرة زي سيرن تخلي تمثال زي ده هو الرمز بتاعها ؟ واللي المفترض انها بتسعي للرخاء والسلام زي ما بيدعوا ؟

‏ولو حد فيكم كان اتفرج علي فيلم الماعز الأليف كان هيشوف الآلهة شيفا بترقص رقصة الدمار وبعدها بيحصل انفجار هائل ..

وده لينك الفيلم ممكن تشوف من الدقيقة 4:18

سيرن ورمز لوسيفر “صفقات الشيطان”

وغير عن موضوع تمثال الآلهة شيفا ، ليه المنظمة تسمح لعائلة رويتشرد اللي يعتبروا اكبر حلفاء لوسيفر ، و اللي بيتحكموا في اقتصاد العالم و بيتحكموا في كل شيء في العالم هما اللي بيمولوا مشروع سيرن!

وليه شعار المنظمة عبارة عن أرقام 666 متداخلين في بعض وده بيرمز لأبليس او الوحش في الكتاب المقدس ، ورمز الوحش أو أبليس بينذر بنهاية الزمان وخروج المسيح الدجال وأحداث نهاية الكون ، والغموض في شعارات سيرن كان من ضمن اسباب رفض كتير من رجال الدين المسيحي في الغرب لكل التجارب دي رفض قاطع ونددوا بيها واعتبروا ان اللي بيحصل في سيرن هو تحدي صارخ للذات الألهية وأن دي محاوله لأبعاد الله كخالق من عقول الناس ، وبعض رجال الدين أتهم العاملين في سيرن بأنهم شياطين بيحاولوا تقمص هيئة آله ، والمتدينين الاوربيين والأمريكيين انضموا لأصحاب نظرية المؤامرة في معادتهم لمصادم سيرن للجسيمات ووصفوه بأنه أخطر أسلحة المسيخ الدجال

علامات استفهام كتير حولين منظمة سيرن وأهدافها الخفية الشيطانية خلت المشككين فيهم من البداية تعتبرهم منظمة خاضعة لإرادة المسيخ الدجال وان وضع تمثال المرأة اللي علي الوحش أمام مقر الأتحاد الأوربي بيأكد الشكوك حولين العمل من أجل الشيطان والمسيخ الدجال ، لأن التمثال ده بالتحديد بيمثل واحد من رموز الشيطان في الكتاب المقدس ودليل علي قرب معاد ظهوره . .

وفي 10 اغسطس سنة 2016 ٬ تم تسريب مقطع فيديو ٬بيظهر فيه مجموعة من الناس بيتحركوا في مسارات مختلفة٬ وبتتوسطهم بنت لابسة ملابس بيضا وفي مشهد مرعب تم ذبح البنت أمام تمثال شيفا الموجود بالمنظمة كنوع من الممارسات الشيطانية أو التضحيات البشرية اللي بتحصل عند حلفاء لوسيفر لما بيتم تقديم قربان للوسيفر !

والحادثة دي عملت ضجة اعلامية في كل العالم وناس كتير جداً كتبت عنها ولما سألوا المسؤليين في منظمة سيرن عن جريمة القتل اللي حصلت في مقرهم ، خرجت ببيان رسمي وقالت ان دول مجموعة من الموظفين أو الطلبة كانوا بيهزروا ، وده مقال في جريدة الجارديان البريطانية بيتكلم عن رد فعل سيرن بعد مقتل البنت

وطبعا ده كلام فاضي واللي حصل ده مكنش هزار ولا كان بعيد عن عين المسؤلين لأن الشرطة قالت بعد فترة قصيرة ان بعد البحث اتضح ان البنت اللي تم تقديمها كأضحية بشرية هي بنت سويسرية اسمها مايا براندلي وعندها 29 سنة وهي مفقودة من يوم 29 يونيو من نفس السنة يعني قبل ما تدبح بشهرين ، وبالتالي إثبات أن الفيديو كان تسجيل لعملية قتل مايا و أن تصريح منظمة سيرن كدب علشان يحاولوا يخفوا الجريمة !

و الشرطة الفيدرالية مقدرتش تتهم المنظمة بأي شيء لعدم توفر دلائل ملموسة تدين المنظمة أو لتدخل سلطات أعلي من الشرطة في الموضوع ، وكمان محاولات جميع العلماء اللي دعوا لوقف تجارب منظمة سيرن الشيطانية و إغلاقها فشلت بسبب نفوذ أعضاء المنظمة و نفوذ حلفاء لوسيفر اللي بيمولوها ولحد النهاردة المنظمة بتمارس أنشطتها المعلن عنها تحت عنوان الأبحاث العلمية .

الموضوع غريب وفيه تفاصيل كتير وصعب العقل يستوعبه بس لو بحثتوا هتكتشفوا اللي ابشع من كدا والسلسة دي فيها كمية حقايق ممكن متكنش خطرت علي بالكم في يوم من الأيام لكن ده الواقع ، فانتظروا حلقه جديدة من سلسله صفقات الشيطان علشان تعرفوا ايه اللي بيحصل في الكواليس المظلمة . .