Take a fresh look at your lifestyle.

روميو وجوليت

579

لو بتحب الأماكن الأثرية اللي بيكون وراها قصص مشهورة وغريبة يبقي كمل البوست .دي صوره بالكونة چولييت الحقيقية اللي كتب عنها وليم شكسبير وكان السبب في تخليد اسمها . .

وده بيتها “Casa di Giulietta” اللي اتبني في القرن ال 13 في مدينة فيرونا في إيطاليا 🇮🇹 وطبعا السياح بيروحوا هناك علشان يشوفوا بيت صاحبه اشهر قصة حب في التاريخ .

البيت موجود وسط مدينة فيرونا (Verona) واللي بيقولوا عليها مدينة الغرام . .البيت اتبني في القرن ال 13 الميلادي وسكنت فيه عيلة اسمها كابيللو لمدة طويلة ، لحد ما تم ترميمه سنة 1930 علشان يتحول لوجهة سياحية رئيسية لكل زوار المدينة الإيطالية دي و تم إضافة نوافذ وأبواب للبيت علشان يبان زي ماكان زمان، ومن أهم الإضافات التي طرأت عليه هي الشرفة اللي كانت بتقعد فيها جوليت واللي تعتبر أهم مكان هناك، وكل اللي بيزور المكان لازم يتصور في نفس المكان علشان من الشرفة دي بدأت قصة روميو وجوليت زي ما بيحكي الشاعر الانجليزي ويليام شكسبير .

كان في عداء قديم وصراع محدش عارف أسبابه بين عائلتين من أرقى عائلات فيرونا” مدينة إيطالية” عائلة “منتيجيو” و عائلة “كابوليت”.. وفى وسط كل الصراعات التى لا تختفى دي ، ظهرت قصة حب روميو وجولييت !!

روميو كان عاشق تعيس.. وشكسبير كان كاتب علي لسانه اجمل الاشعار الرومانسية. . في الاول مكنش روميو بيحب جولييت،، لانه كان واقع فى حب بنت تانيه من عائلة كابوليت وكان اسمها روزالين ..

وكان روميو له صديقين مقربين وهما بينفوليو و مركيشيو ، وفي يوم قالوله بأن عائلة كابوليت عامله حفلة تنكرية وانه ممكن يروح الحفلة وهو متنكر علشان يقدر يشوف حبيبته “روزالين” ، وفعلا راح روميو واصدقاءه الحفلة التنكرية فى بيت عائلة كابوليت ..

وهو في الحفلة روميو قابل البنت الجميلة “جولييت” فوقع في غرامها فورا وبقي مسحور من جمالها، واكتشف روميو أن اللي كان بينه وبين روزالين مكنش حب حقيقي !!

واكتشف روميو جمال وسحر الحب الحقيقي في علاقته بجولييت .. ولما روميو و جولييت اتكلموا مع بعض وقع الاتنين فى حب بعض .. لكن الظروف ماسبتش القصة تبدأ حتى فى سلام. لان في شخص اسمه تيبالت وهو واحد من أقارب عائلة كابوليت اتعرف علي روميو وكان عايز يتشاجر معاه وطرده من الحفلة ، لكن والد جولييت رفض إفساد الحفلة وبالذات وان روميو معروف بأخلاقه ، وانه مكنش أبدا شخص منبوذ ولاسئ السمعة .

وفى نهاية الحفلة اكتشف روميو وجولييت أن كل واحد منهم من إحدى العائلات المتصارعة. . و بعد ما الحفلة خلصت ، راح روميو لمنزل جوليت بليل ووقف فى حديقتها وتحت شباكها فى أشهر مشهد من مشاهد الرومانسية على مر التاريخ. و اتفق روميو وجولييت أنهم يتزوجوا في السر في اليوم التالى .

وراح روميو وجولييت فى الصباح لواحد من القساوسة علشان يزوجهم، وكانوا معتقدين أن الزواج ده هيأدي للصلح بين العائلتين، لكن جولييت كانت خطبها أبوها فى الحفلة من غير مايقولها إلى شخص من أقرباء أمير فيرونا!!ولما عرفت جولييت بموضوع الخطبة دي ذهبت للقس علشان تقوله وتطلب مشورته. فقرر القس مساعدتهم .

وكان في الوقت ده تيبالت قريب جولييت كان بيبحث عن روميو علشان يتقاتل معاه، لكن روميو رفض قتاله لأنهم أصبحوا نسباء ، ومكنش في حد يعرف بزواج روميو وجولييت غير أربعة أشخاص: روميو وجولييت و القس و وصيفة جولييت . . لمارفض روميو قتال تيبالت نبلا منه، غضب جدا مركوشيو صديق روميو المقرب من ردة فعل روميو اللي اعتبرها فيها جبن وخنوع.. فقرر مركيشيو قتال تيبالت.. وفي اثناء القتال، مركوشيو اتقتل وهنا الامور قلبت جد والاحداث اتغيرت تماما من رومانسية لتراجيدية بموت مركيشيو. . وهرب تيبالت من مسرح جريمته لكن روميو أقسم على انه ياخد بثأر صديقه مركيشيو .

وفعلا وروميو قدر يلاقي تيبالت وقتله وهرب ، وكان من اول الاحداث أمير فيرونا توعد بقتل المتنازلين من العائلتين علشان مفيش حد يعكر صفو مدينة فيرونا الهادئة .

ولما عرف الأمير أن روميو قتل تيبالت ثأرا لصديقه مركيشيو، قرر تخفيف عقوبة روميو من القتل للنفي بشرط أن روميو ميظهرش تاني أبدا فى فيرونا. وعرف روميو من القس خبر نفيه ، وبعد كدا ذهب روميو لجولييت في غرفتها وفضل معاها لحد الفجر ومشي بعد كدا مغادر مدينة فيرونا إلى مدينة مانتوا ، وكانت أمه حزينه علي ابنها وماتت من كتر الحزن لكن روميو كان مشي من المدينه قبل ما يعرف ..

وأعلن والد جولييت تقديم معاد زفافها من خطيبها “باريس” ، فراحت جولييت إلى القس تطلب منه المساعدة فقالها القس خطة لإنقاذها من المستقبل البائس ده، وكانت خطة القس انه هيرسل إلى مدينة “منتوا” رسولاً ليببحث عن روميو ويعطيه باقى تفاصيل خطة الهروب ..

و أعطى القس لجولييت دواءا خلاها تبان كالجثة الميتة لمدة يومين، تناولت جولييت الدوا في ليلة زفافها ، و لكن لسوء الحظ ، الرسول اللي أرسله القس موصلش لروميو بسبب انتشار الطاعون في المدينة القريبة من مدينة مانتوا ، وعرف روميو بخبر وفاة جولييت من خادمه ، وجن جنون روميو و ذهب لصيدلي في المدينة علشان يشتري منه سم ، وذهب روميو لمقابر عائلة كابوليت علشان يودع محبوبته جولييت، فلقاها ممدة في تابوتها وقد ازدادت جمال ووجهها زاد احمرار ومكنش ابيض شاحب زي ما بيكون وجوه الموتي ، ومكنش يعرف أن ده بسبب أنها مامتتش وانها هتصحي تاني بعد ما مفعول الدوا ينتهي .

في الوقت ده “باريس” خطيب جولييت كان رايح لقبر جوليت يشوفها قبل ما تدفن ، وشاف روميو واتهمه بتدنيس قبر جولييت علشان هو من عائلة الأعداء، واتقاتل روميو و باريس وفي النهاية قدر روميو يقتل باريس ، ونزل علي ركبه علشان يقبل حبيبته جولييت قبلة الوداع قبل ما ياخد جرعة السم و يموت جنبها . .وصحيت جوليت بعد فترة ولقت روميو ممدا بجوارها و منغير تفكير خدت خنجر من جيب روميو وطعنت به قلبها وماتت هي كمان .

وكل الناس عرفوا لما حضروا لقبر جوليت بالفاجعة اللي حصلت، وقالهم القس بالقصة كلها.. والعائلتان اتصلحوا و قرروا بناء تمثالين لروميو و جولييت علشان يخلدوا ذكرى قصة حبهم، ولتتذكر العائلتين أن صراعتهم القديمة هى سبب موت أولادهم .. و زي ما ظن روميو وجولييت فى بداية قصتهم أن علاقتهم هى اللي هتصلح العلاقة بين العائلتين المتنازعتين، فهو ده اللي حصل فعلا.. وانتهت القصة اللي تعتبر اشهر قصص الحب في التاريخ .

نرجع تاني بقي لبيت جوليت الاثري ، اللي أفضل وقت لزيارته بيكون في الساعات الأولى من الصباح أو بعد الغروب، وبتبدأ الزيارة بالدخول في نفق مظلم بيفتح إلى فناء البيت، وهو فناء جميل وصغير محاط بأحجار قديمة وأشجار، ولما تزور النفق هتلاقي جدرانه مليانه بالرسائل اللي كتبها الزوار لجوليت واللي بتغطي الجدار كلهوكل زائر ابتكر طريقة علشان يتثبيت الرسالة بتاعته ، فمنهم اللي ثبت بدبابيس ومنهم اللي ثبتها باللبان على شكل قلب، و الجدار بقي مزخرف بالرسائل بكل لغات العالم .

واكتر حاجة بتجذب السياح في الفناء هي شرفة جوليت، فلو كنت شخص رومانسي هتلاقي نفسك متأثر بالاحداث التاريخية والرومانسية للقصة وهتنظر نظره مختلفة للشرفة بكل تركيز واهتمام، لكن الشرفة دي مش شرفة جوليت الحقيقية، لكن تم إضافتها من 80 سنة وقت أعمال الترميم علشان يظهر البيت متكامل، وتحت الشرفة تمثال برونزي لجوليت بناه الفنان نيرو قسطنطيني .

وسعر التذكرة بـ 6 يورو، وجوه البيت مجموعة من الرسوم الجدارية المتفرقة و متحف صغير يشمل معروضات وتحف من القرن ال16 , وممكن تشتري هدايا منه، وموجود غرفة جوليت وبها سريرها وأجزاء من رواية شكسبير باللغتين الإنجليزية والإيطالية، وخارج الفناء ده وعلى مسافةقريبة توجد مقبرتها.يزور بيت جوليت في فيرونا نص مليون زائر كل سنة وبيفتح البيت أبوابه يومياً من الساعة 8 ونص صباحاً لحد الساعة 7:30 ليلاً، ماعدا يوم الإثنين فتبدأ الزيارة من الساعة 1:30 ظهراً.”لسه الصندوق الاسود مليان أسرار”

كاتب المقال :-

Sayed Fouda

قصص حقيقية أخرى أعدها الأستاذ سيد فودة

Comments are closed.