مقالنا اليوم عن رواية اغتصاب ولكن تحت سقف واحد للكاتبة دعاء عبد الرحمن بصيغة pdf مجانا.
رواية اغتصاب ولكن تحت سقف واحد رواية دعاء عبد الرحمن تعد واحدة من أبرز إنتاجات الكاتبة وأكثرها، إذ تعرض فيها مزيجا من المتناقضات كالغيرة والحب والحقد والتضحية والخداع.
وذلك في إطار من الشفافية التي تلامس مختلف القضايا الحساسة في المجتمع، كالنظرة النمطية للنساء وعلاقة الإنسان بخالقه، لتمزج التشويق بالرومنسية والالتزام الديني والأخلاقي.
تدور أحداث رواية اغتصاب ولكن تحت سقف واحد رواية دعاء عبد الرحمن حول جريمة أخلاقية هي الاغتصاب وماينتج عنه من تدمير للضحية وأسرتها، وآثار عديدة تشمل المجتمع ككل.
وذلك من خلال سرد حكاية الشاب علي الذي يخالف رغبة ووصية والديه، ويصر على الزواج من ابنة خالته، ليفتتح بذلك سلسلة من الأحداث المشوقة
إسم الكتاب
اغتصاب ولكن تحت سقف واحد
اسم المؤلف
دعاء عبد الرحمن
عدد صفحات الكتاب
350صفحة
تصنيف الكتاب
مقدمة رواية اغتصاب و لكن تحت سقف واحد
في رواية اغتصاب ولكن تحت سقف واحد اعتدل جاسر في جلسته وهو يتفحص ملامح ابنه الأصغر ثم يقول في هدوء: بتقول إيه ياعلي…كرر كلامك تاني كده عاوز أتأكد.علي بتلعثم:بقول يا بابا بعد إذن حضرتك يعني عاوز اتجوز أحلام بنت خالتي.
ظهرت ملامح خيبة الأمل على وجه جاسر وهو يقول:أحلام بنت سميحة!!جفف علي عرقا وهميا براحته اليمنى وهو يومئ مؤكداً:أيوه يابابا…أحلام بنت خالتي سميحة.
وقف جاسر بغضب وانفعال هاتفا:وهي دي بقى الزوجة الصالحة التي إنت بتتمناها؟!أجاب علي بارتباك:يا بابا والله أحلام بنت كويسة…وخالتي سميحة اتغيرت خالص.
هتف جاسر بغضب:بأمارة إيه بقى…بأمارة أمك اللي قطعت علاقتها بأختها بسبب تصرفاتها وموصياني قبل ماتموت إن محدش منكم يفكر في بنتها مجرد تفكير.
ابتلع علي غصته وقلبه يخفق بقوة وهو يرى انفعال والده ونظراته الغاضبة الموجهة نحوه وقال مدافعاً:يا بابا والله دا كان زمان
خالتي بقت حاجة تانية..دي حتى عملت عمرة السنة اللي فاتت وأحلام بنت مؤدبة جداً. لم يستطع جاسر كتمان ثورة الغضب التي نشبت في صدره أكثر من ذلك.
أمسك الهاتف وضغط عدة أرقام ثم وضع سماعة الهاتف على أذنه وتكلم إلى ولده الأكبر وهو يصرخ:أيوه ياحسين تعال عندي هنا حالا وجيب معاك أخوك ابراهيم..مش عاوز أسئلة. .تكونوا عندي هنا في لمح البصر.
أغلق الهاتف بحدة وكأنه قبض قلب ابنه علي بين يديه بدل سماعة الهاتف، فلدأ جبينه يتصبب عرقا واحمر وجهه وتمنى لو أنه لو لم يكن أعرب عن رغبته بالزواج، تركه جاسر واقفاً متصلبا مكانه وخرج بانفعال وسرعة إلى بهو المنزل الواسع.
ووقف ينتظر ولديه الأكبرين.لم يمر وقت طويل حتى وصلا مسرعين، وأقبل حسين الابن الأكبر على أبيه في سرعة ويتبعه أخوه الأصغر إبراهيم وهو يقول لاهثا:في إيه يا بابا…
إيه اللي حصل؟؟أشار جاسر إليهما أن يلحقاه إلى الداخل حيث ينتظرهم علي الأخ الأصغر، وهما ينظران إليه بتساؤل وهو يقف بتوتر ينتظر تحديد مصيره.
وقف جاسر بشموخ بين أولاده الثلاثة وتوجه بالحديث إلى ابنه حسين قائلاً:شوفت ياحسين أخوك الصغير عاوز يتجوز مين؟نظر حسين نحو عاي نظرة عتاب ثم أعاد النظر إلى والده مرة أخرى ولم يتكلم.
استطاع جاسر أن يقرأ نظرات ابنه وأن يفهمها، وفهم أنه كان يعلم بما يحدث من قبل، فانفجر غاضبا:عارف ومخبي علي ياحسين…ماتتكلم.
قال حسين في ارتباك:يا بابا والله أنا حاولت معاه كتير…لكن واضح إنو متمسك بيها..هعمله إيه طيب.
توجه جاسر بالحديث إلى ابنه الأوسط إبراهيم قائلاً:وأنت كمان كنت عارف!أطرق إبراهيم رأسه قائلاً بخفوت:أيوا يا بابا.
صاح جاسر بغضب هادر:وأنا أخر من يعلم يا ولاد جاسر؟تدافع حسين وإبراهيم في الكلام وأخيراً توقف ابراهيم وترك المجال لأخيه للكلام كما كان
يفعل دائماً وسمعه يقول:يا بابا إنت عارف علي لما يحط حاجة في دماغه..وبعدين أنا قلت لما نسيبه يمكن يطلعها من دماغه..مكناش فاكرين إنو مصمم عليها أوي كده.
زفر علي متأففا وهو يشعر بأنهم يضيقون الخناق حول رقبته، وقال بعناد وتصميم:بصراحة يا بابا اللي بيحصل دا ملهوش لازمة..أنا بحب أحلام وحتجوزها.
ضرب جاسر كفا بكف وهو يقترب منه ويقول بسخرية مريرة:والله؟ وحبتها ايمتى بقى؟ وهي بترقص في فرح أخوك وعيون الرجالة بتاكل في جسمها أكل وهي ولا هممها؟!قاطعه علي بعصبية: لو سمحت يا بابا كفاية.
قلت لك إنهم تغيروا خالص…وبصراحة كدة أنا بحبها ومش هتجوز غيرها…جيت أخد موافقتك علشان ميبقاش عملت حاجة من ورا ضهرك.
و تبدأ من هنا سلسلة أحداث مشوقة في رواية اغتصاب ولكن تحت سقف واحد
فهرس رواية اغتصاب ولكن تحت سقف واحد
غير مفهرسة.
Comments are closed.