Take a fresh look at your lifestyle.

خندق ماريانا أعمق نقطة علي كوكب الأرض

3٬890

تعرف فين أعمق نقطة علي كوكب الأرض؟
طيب عمرك سمعت عن خندق ماريانا ؟

هخدك رحله بس غريبة شويه .. رحلة هتحس فيها انك هتنفجر من فرق الضغط .. بس استحمل .. الرحلة هتكون تحت المياة في المحيط الهادي في اعمق نقطة في كوكب الارض . . جاهز؟ يالا بينا

طبعا انتوا كلكم عارفين جبل ايفرست الي ارتفاعه بيوصل ل 8848 متر!

عشان اعرفك عمق خندق ماريانا عايزاك تتخيل معايا اننا خدنا جبل ايفرست غرقناه في الخندق !!

احب اقولك أنه هيغرق ب الكامل وكمان هيتبقي مساحه 2 كيلو متر فوق المايه!! متخيل رعب وعمق المكان الي تم التوصل لعمقه وهو 11 كيلومتر!!

وكلنا عارفين أن كل ما بتنزل لتحت في المحيط بنحس بضغط رهيب وان جسمك حرفيا هينفجر لان ضغط المياه لو العمق زاد بيكون صعب انك تقدر عليه الغريب بقي ان في حيوانات بتعيش في الضغط دا!!

ايه بقي هو خندق ماريانا ! ؟؟

هو منخفض عميق جدا علي شكل “V” في المحيط الهادي بالقرب من جزر الماريانا الي بيرجع عمره لأكثر من 170 مليون سنه اقدم وأعمق مكان في الكره الارضيه تم اكتشافه ..

ولو جينا وبحثنا عن أعمق نقط علي سطح الأرض هيكون عندك اول حاجه حوض اوراسيا الي عمقه 5450 متر وخندق جافا الي عمقه 7725 متر وخندق بورتوريكو الي عمقه 8648 متر!! بس تم اكتشاف خندق ماريانا الي عمقه 11033 متر !! يعني أعمق بكتير من كل دول .

والخندق المرعب ده تم اكتشافه أول مرة سنة 1875 … عن طريق السفينه البريطانية ( تشالنجر واان ) وأستمرت رحلة الاستكشاف لمده 4 سنين من سنة 1872 لحد سنة 1876 وقطعت السفينه خلال الرحله 112 الف كيلومتر ولأن في القرن ال 18 ماكنش علم المحيطات متقدم فاكانوا بيعتمدوا علي قياس الاعماق بأحبال بأطوال كبيره جدا عليها علامات لتحديد الطول وموصول في طرفها قطعه ضخمه من المعدن ..

لما بدأوا ينزلوا الحبل في الخندق لاحظوا حاجه غريبة ..
لاحظوا أن الحبل مش بيضرب في القاع وكل ما ينزلوا من الحبل اكتر برضو مش بيضرب في القاع وبعد فتره طويله من تنزيل الحبل ضرب الحبل القاع علي مسافه 8000متر وطبعا دي كانت صدمة لكل طاقم السفينة ، ازاي في مكان في المحيط بالعمق ده!؟ وكان في حاله من فزع أن في عمق كدا في العالم !

سنه 1951 قدروا يصنعوا سفينه بإمكانيات احدث من الي فاتت وكانت مزوده بامواج السونار لقياس عمق المحيط بدقه اعلي وكانت نفس اسم السفينه الأولي (تشالنجر تو) “challenger2” وبعتوها للخندق تستكشف مدي عمقه ولكن المفاجأه أنها قدرت توصل لعمق 11 كيلومتر والي تم اكتشافه من السفينه الاولي كانت عباره عن جزئيه من الخندق طولها 2550 كيلومتر وعرضها 56 كيلو متر !! هسيبك تتخيل عمقه وكأنك فيه !

متخيل العمق ؟ مجرد التفكير في عمق بالشكل ده تحت المية وفِي الظلام يرعب ، بس جمد قلبك وكمل للاخر

وهنا يجي سؤال مهم جدا !!
هل في كائنات حيه عايشة في العمق الرهيب ده ؟؟
طيب ازاي مع ضغط المياه الكبير دا؟؟ اكيد مش كائنات عادية دي وحوش بحريه أوكائنات عملاقه!!

علشان يعرفوا اجابه السوال ده، سنه 1958 قدرت السفينه السوفيتية ‘VTS’ تكشف عن وجود مخلوقات بحريه بتعيش في المحيطات علي مسافه 7 كيلومتر وتم وصفها بأنها كائنات غير معروفه للبشر وأطلق عليها وحوش البحر !!

ولكن العلماء موقفوش لحد هنا وكان لازم حد ينزل يكتشف وجود الوحوش البحريه دي بنفسه وكان من الصعب حد يغطس في المكان دا سبب قوه الضغط الي بتعادي 1000 ضعف الضغط الي موجود علي السطح!!
يعني اللي هينزل هيفرقع زي البلونة من قوة الضغط .

سنه 1960 العالم السويسري “جاكيس كارد” ركب علي متن غواصه بتتحمل الضغط العالي وتغوص لمسافات كبيره وخرج في رحله استكشافية للمحيط وبعد 5 ساعات في النزول للقاع ، نجح في الوصول لعمق 11 كيلومتر وبعد المده الطويله اللي خدها في رحله النزول قدر يقف 20 دقيقه بظبط علشان يحاول يفهم ازاي الكائنات اللي عايشه في العمق والضغط ده قادره تتحمل الضغط الكبير دا !!

ولكن الغريب بعد سنين من بعثه “جاكيس كارد” اكتشفوا معلومات غريبه بخصوص الرحله ومن أهم المعلومات أن خلال الرحله لحظوا وجود كائن عملاق بيرقبهم بشكل مرعب ولكن لما عرفوا بوجوده اختفي من المكان بشكل مريب!! وقالوا إن الكائن دا بيرجع لحضاره مائيه غير معروفه للبشريه أو كائن منقرض من سنين !!

سنة 1985 خرجت السفينة “Glomar Challenger” في رحلة استكشافية لمعرفة المخلوقات المتواجدة في خندق ماريانا، واللي حصل كان غريب جدًا ومرعب !
الباحثين استخدموا مسبار(وده بيكون غواصة صغيرة بتنزل المكان بدون راكب لاستكشافه) نزلوه الخندق بأسلاك فولاذية وجهاز تسجيل علشان يسجلوا الأصوات المتواجدة تحت، وبالفعل وصل المسبار لمسافة 10 كيلومتر، وكانت المفاجئة إن المسبار بدأ في تسجيل أصوات غريبة جدًا، والمرعب إن الأسلاك الفولاذية اللي نازل بيها المسبار بدأت تتسحب بطريقة غريبة، وكأن فيه كائن بيحاول يسحب المسبار تحت، وفضلوا 3 ساعات كاملين بيحاولوا يخلصوا المسبار من الكائن اللي ماسك فيه و بيسحبه. .

وبعد ما نجحوا في سحبه ، بعد تقطيع بعض الأسلاك الفولاذية، وكانوا على وشك يفقدوا المسبار، كانت الصدمة الحقيقية في إنهم لقوا آثار وعلامات أسنان على المسبار، كأن كان فيه كائن بحري ضخم جدًا بيحاول التهامه!

ولما الفريق رجع صرح وقال إن اللي حصل للمسبار سببه إنه علق دون قصد بين الصخور، وكانوا بيحاولوا يخرجوه، ولكن بعض العلماء والباحثين خرجوا وقالوا إن الطاقم بيكدب!

وصرحوا وقالوا إن آثار الأسنان دي والقوة المهولة اللي تسببت في قطع الأسلاك الفولاذية مينفعش يتسبب فيها غير قرش الميجالودون، وده نوع من أنواع القروش العملاقة المنقرضة من 3 مليون و600 سنة! وبيوصل طوله لـ22 متر، ووزنه 45 طن، يعني كائن بيشبه في تكوينه عمارة مكونة من 7 أدوار، وله شكل توضيحي تحت في المقال!

تخيل معايا كائن بالشكل ده عايش على الكوكب، واحنا منعرفش عنه حاجة، وتخيل إننا اكتشفناه بالصدفة، ومن الممكن يكون فيه كائن أضخم منه!
بس عايزك بتفكيرك كدا تفكر هل الكائن دا لسه موجود ؟ ولو طلع موجود فعلا يبقي اكيد في الأكبر منه بكتير

علماء الأحياء قالوا ان الأسنان دي بتعود لسنه من سنان الميجالودون اللي حجمه اكبر من كف ايد شخص بالغ وهسبلك صورته تحت في المقال ولما عملوا فحوصات علي حجم سن الميجالودون وحجم اثار الاسنان الي علي المسبار كانت متطابقه مع سن الميجالودون وان قرش الميجالودون موجود في خندق ماريانا حاليا!!

بعد سنين بسيطه حصلت حادثه مرعبه جدا وهي أن سفينه بضائع يابانيه بتمر من خندق ماريانا وهي كانت سفينه عملاقه مع العلم فاجأه شيء غريب خبطها من الجنب قلبها في ثواني والاحوال الجويه كانت مستقره جدا ومفيش شيء أو صخور تقلب السفينه .

بعد الحادثه بكام سنه بعتت اليابان مركبه عن بعد للوصول لأعمق نقطه في الخندق وكشفت حوالي 350 نوع من المخلوقات الغريبه عايشه في قلب الخندق واستغرقت الرحله 8 سنين بس واكتشفوا 350 نوع بس !!

سنه 2017 رجل اعمال يدعي “فيكتور” قرر يغطس في المكان لوحده دون مراعاه اي مخاطر ممكن تواجه وفضل اربع ساعات بيغوص وقدر يصور عدد كبير من المخلوقات البحريه واتوثقت رحلته علي قناه ناشيونال جيوغرافيك وقدر يكشف انواع غريبه جدا من القانديل والمرجان وكائنات غريبه اخري وقدر أنه يسجل رقم قياسي في غوص فردي في عمق كبير ..

ووثق رحلته من خلال فيلم وثائقي اسمه “Deep sea challenge”

ولكن لحد دلوقت بيختلف العلماء علي وجود الميجالودون او اي حيوانات اسطوريه في المكان لأن كل مايبعتوا شيء لاستكشاف الاعماق نهايتها بتكون الحطام أو الالتهام!!

الغريب كمان انهم لما نزلوا بالغواصة لقوا اكياس بلاستيكيه (زي الكيس اللي في الصوره ده) في أعماق خندق ماريانا ، لكن للاسف المخلفات دي مبتتحللش إلا بعد مئات السنين ..

اللي قدروا ينزلوا للقاع كانوا 4 اشخاص بس ، وواحد منهم كان المخرج الكبير جيمس كاميرون سنة 2012 وانتج فيلم تسجيلي عنها .

خندق ماريانا أعمق نقطة علي كوكب الأرض
خندق ماريانا أعمق نقطة علي كوكب الأرض
خندق ماريانا أعمق نقطة علي كوكب الأرض 2
خندق ماريانا أعمق نقطة علي كوكب الأرض 4
خندق ماريانا أعمق نقطة علي كوكب الأرض
خندق ماريانا أعمق نقطة علي كوكب الأرض 6
خندق ماريانا أعمق نقطة علي كوكب الأرض

كاتب المقال :-

Sayed Fouda

قصص حقيقية أخرى أعدها الأستاذ سيد فودة

Comments are closed.