حكاية حذاء الشيطان

By Ahmed Hussien Last updated يناير 22, 2022

نزل السوق حذاء غريب وغامض عليه علامة نايكي ومش قادر افهم ليه أصلاً ينتجوه منتج مريب زي ده . .

الحذاء ده بيحتوي على دم بشرية في قاع الحذاء .. وجمل شيطانية على الجوانب ، وسموه ‏Satan Shoes أو حذاء الشيطان ، وهو تعاون بين شركة أسمها MSCHF ومغني الراب ليل ناس Lil Nas X ، وسعر الحذاء 1،018 دولار ، وده سعر غالي جداً بالمقارنة بالمنتجات الأمريكية اللي متوسط سعر الأحذية النايكي من 30 الي 100 دولار تقريباً. .

ركزوا بقي في المعلومة دي . . وهي ان الشركة كررت تصدر عدد محدود وهو 666 زوج بس، وكل حذاء هيتكتب عليه رقم متسلسل جنب رقم ال 666 طيب ليه رقم 666 بالذات !؟ وايه علاقة الرقم ده بالحذاء!؟

زي ما قولتلكم ان في أتجاه عالمي لهدم الأديان كلها ونشر الألحاد وتمجيد الشيطان ، والرقم ده له دلالات خطيرة لأن السر الخفي ورا رقم 666 هو انه رمز الشيطان وبيعود أصل الرقم 666 إلى العهد الجديد في الإنجيل، واللي بيرمز إلى “الوحش” باعتباره مخلوق معادي للإنسان، ومع مرور الوقت أصبح الرقم مرتبط بالشيطان، و استخدمته جماعات عبدة الشيطان كرمزا لهم . .

وفي معتقدات الكابالا اليهودية الرقم 666 بيرمز إلى إكمال خلق العالم، حيث خُلق العالم في 6 أيام و6 اتجاهات اللي هما شمال ، شرق ، غرب ، جنوب ، أعلى ، أسفل)

وكنت كتبت عن منظمة سيرن اللي بتحاول تفتح بوابة للعوالم السفلية ورمز الشيطان موجود في الشعار بتاعهم ، واللينك أهو للي لسه مقرأهوش من هنا

الشركة انتجت الحذاء بعد الفيديو كليب المثير للجدل “MONTERO”، لمغنى الراب الأمريكى الشهير “ليل ناس أكس – Lil Nas X”

و كانت الأغنية مصدر إلهام لتصميم الحذاء ، لما ظهر المغني ليل وهو بينزل للجحيم وقابل الشيطان في قلب الجحيم وبدأ يرقص معاه رقصة غريبة وشاذه .(الفيديو خارج ومقزز ومنصحش حد يشوفه)

الحذاء متزين من الجوانب بعبارات من الكتاب المقدس لوقا 10:18 واللي بيتضمن على مقطع لإبعاد الشيطان من السماء، وفيه نجمة خماسية في أربطة الحذاء ، وطبعاً كل الناس عارفه ان النجمة الخماسية هي رمز من رموز عبدة الشيظان . .

اللي عرفته من الاخبار اللي منشورة ان شركة نايكي معترضة علي وضع العلامة التجارية بتاعتهم علي الحذاء ده ولسه هنشوف هيحصل ايه الايام اللي جايه ، وهي شركة نايكي العالمية هتقاضي شركة MSCHF ومغني الراب ليل ناس ولا لأ

المصدر:

https://www.nytimes.com/…/nike-satan-shoes-lil-Nas-x…