Take a fresh look at your lifestyle.

حريق شيكاغو العظيم سنة 1871

130

في 8 أكتوبر 1871 ، بدأ حريق في حظيرة باتريك وكاثرين أوليري في شيكاغو ، واللي أدى لاشتعال حرائق عظيمة استمرت يومين ومات في الحريق الرهيب ده 300 شخص ، وأدمر 17،450 مبنى ، وأتشرد اكتر من 100 الف شخص في الشوارع بلا مأوى واتسببت في خساير اتقدرت ب 200 مليون دولار وده كان سنة 1871 ، يعني لو هنحسبها دلوقتي في 2020 هتكون حوالي 4 مليار دولار كتعويضات.

اللي الناس قالوه أن بقرة ضربت مصباح برجليها في حظيرة وكاثرين أوليري وكانت دي بداية الكارثة ، وفضلت النار تتنقل من بيت لبيت ومن شارع لشارع لحد ما النار حرقت اكتر من 6 كيلومتر مربع من مدينه ويندي Windy City ، واللي ساعد النار تنتشر بسرعة كان ان البيوت كلها مصنوعة من الخشب والطقس الجاف والرياح القوية من جهة الجنوب الغربي اللي كانت بتنقل الجمر لقلب المدينة . .

وبالرغم من الدمار اللي سببته الحرايق ، لكن كتير من البنية التحتية في شيكاغو ، بما فيها أنظمة المياه والصرف الصحي والنقل ، فضلت سليمة. وبدأت جهود إعادة الإعمار بسرعة ويمكن اللي حصل حفز التنمية الاقتصادية الكبيرة والنمو السكاني ، لان المهندسين المعماريين حطوا أساسات لمدينة حديثة بتضم أول ناطحة سحاب في العالم. .

وقت الحريق كان عدد سكان شيكاغو حوالي 324 الف نسمة ، بس هلال 9 سنين وصل عدد السكان ل 500 الف نسمة من سكان شيكاغو ، وبحلول سنة 1893 ، كانت المدينة مركز رئيسي للاقتصاد والنقل ووصل عدد سكانها لـ 1.5 مليون نسمة ، وفي نفس السنة ، تم اختيار شيكاغو لاستضافة المعرض الكولومبي العالمي ، وهو من المعالم السياحية الرئيسية اللي زارها 27.5 مليون شخص ، يعني تقريبا نصف سكان الولايات المتحدة في الوقت ده.

المضحك بقي ان في سنة 1997 ، برأ مجلس مدينة شيكاغو السيدة أوليري وبقرتها ، اللي ماتت اصلا بعد الحريق سنة 1895.

المصادر :-

https://www.history.com/…/19th-century/great-chicago-fire
https://www.nationalgeographic.org/…/chicago-fire-1871…/
https://www.chicagocop.com/…/the-great-chicago-fire/

كاتب المقال :-

Sayed Fouda

قصص حقيقية أخرى أعدها الأستاذ سيد فودة

Comments are closed.