العالم مليان اسرار وهنعيش عمرنا كله مش هنقدر نوصل ل 1% من اسرار الكون ولا هنقدر نفك الغازه الغريبة و المرعبة في بعض الاحيان ، ومن ضمن الالغاز اللي موجودة علي كوكب الارض هو جسر أوفرتون في اسكتلندا او زي ما الناس بتقول عليه (جسر الانتحار) كوباية الشاي او فنجان القهوه ولا حتي عصير اللون وركز معايا بقي . .
الجسر او الكوبري ده انتحر من عليه اكتر من 600 كلب من ستينيات القرن ال20 لحد النهاردة. . اللي بيحصل ان الكلب بيبقي ماشي مع صاحبه هادي وجميل وكل حاجة تمام وبمجرد ان الكلب بيقرب من الكوبري يحصله حاجة غريبه ويجري ويقفز من فوقه ، لدرجة ان السكان المحليين هناك اقتنعوا ان في قوة خارقة للطبيعة هي اللي بتعمل كدا ، حاجة زي جان من العالم السفلي مثلا.
الصحف المحلية والعالمية بتتكلم كتير عن لغز قفز الكلاب اللي ملوش تفسير دا ، وبيقولوا ان الظاهرة المخيفة والحزينة دي خلت الناس تسمي الجسر بأسم “جسر انتحار الكلاب”.
جسر أوفرتون اتبني سنة 1895 ، وهو مكان مشهور لتمشية الكلاب وممكن يكون اصحاب الكلاب بيختاروا الكوبري ده بسبب تصميمه المزخرف والمساحات الخضراء اللي على الجانبين، لكن من بعد مابقي معروف بانه مكان اصحاب الكلاب بتمشي كلابها فيه بقي في بلاغات كتير عن أحداث غريبة ومخيفة بتحصل لكلابهم ، زي ما يكون بيحصلهم مس من الجن وفجأة الكلب يجري في اتجاه مكان معين علي الجسر و يقفز منه وغالبا بيموت على الصخور على بعد حوالي 30 متر يعني زي ارتفاع مبني 10 ادوار . .
وفي ناس كتير شافوا الكلاب بتتسلق جدار الجسر وبعدين تقفز من عليه ، والاغرب بقي ان في تقارير بتقول ان بعض الكلاب اللي نجت من قفزتها الأولى رجعت للجسر تاني وقفزت وماتت .
السكان المحليين مقتنعين بأن في قوة كامنة ورا الظاهرة الخارقة للطبيعة اللي بتخلي الكلاب تجري للجسر وتقفز من عليه ، وفي أسطورة بتقول أن السيدة البيضاء أوفرتون ، اللي يُعتقد أنها شبح أرملة مالك المبني السابق جون وايت ، فضلت تطارد المبني واللي بيشتروه لحد النهاردة.، و والناس بتقول انهم شافوا اشباح في النوافذ وفي اماكن حول المبني والجسر وان شبح السيدة البيضاء هي اللي بتجبر الكلاب على القفز و الموت.
والموضوع موقفش عند الكلاب وبس فسنة 1994 واحد اسمه كيفين موي راح للجسر وكان معاه ابنه اللي عنده 14 يوم بس وفجأه رمي ابنه من علي الجسر ولما سألوه في التحقيقات ليه عملت كدا قالهم اني حسيت ان ابني كان تجسيد للشيطان وبعد الحادثة دي لسبب ما مدخلش السجن وحاول ينتحر كذا مره منهم مرة راح للجسر وكان عايز يرمي نفسه بس الناس انقذوه.
Comments are closed.