مش عارف اجبهالكم ازاي .. بس الجرو ده ميت من 18 الف سنة !!
صحصح كدا بقي وتعالي احكيلك الموضوع بسرعة . .
اكتشف علماء روس جرو كان مدفون فى كتلة متجمدة من الأرض قريب من نهر إنديجيركا في سيبيريا ، و سمو الجرو Doger ، وبيقولوا انه كان عنده شهرين لما مات بس مش قادرين تحديد سبب الوفاة لحد دلوقتي ، وكان محتفظ بشعره الكثيف ، وشاربة ، حتي ملمس انفه لسه زي ما هو كأنه حي ، ورموشة الطويلة وأسنانة اللبنية موجوده زي ماهي بالرغم من موته من 18 الف سنة.
ليه بقي انا بقول عليه جرو !؟
لان لحد النهارده العلماء مش قادرين يحددوا إذا كان الجرو الصغير كلب ولا ذئب من العصر الجليدي، وفشلت اختبارات الحمض النووى من تحديد نوعه.
العلماء الروس حاولوا يساعدوا في البحث وقدموا عينات من الكلاب القديمة للمركز السويدي لعلوم الوراثة “CPG” علشان يثبتوا ما إذا كان الجرو ذئب ولا كلب زي ما كانوا بيظنوا في الاول. .
قال الدكتور سيرجي فيدوروف من معهد البيئة التطبيقية في الشمال ، وهو جزء من جامعة الشمال الشرقي الفيدرالية في ياكوتسك واللي التقط الصور المذهلة دي: ” ان المركز بيحتوي على أكبر بنك للحمض النووي فى أوروبا ، وبيضم جميع الأنياب من جميع أنحاء العالم، لكن برضو معرفوش يتعرفوا علي نوعه من المحاولة الأولى.
Comments are closed.