Take a fresh look at your lifestyle.

الساعة الشمعية وما قبل وجود الساعات

361

عارفين قبل وجود الساعات الناس زمان كانوا بيعملوا ايه علشان يعرفوا الوقت ؟
متعرفش؟
طيب تعالي اقولك..

كانوا بيستخدموا بالنهار الشمس لكن في الليل مكنوش بيعرفوا الوقت غير بالساعة الشمعية، ودي عبارة عن شمعة عليها علامات بأبعاد متساوية مع أرقام، وكل ما الشمعه بتتحرق بتوصل لعلامه وده معناه مرور فترة من الوقت، وكانت بتستخدم في الليل، أو في الأيام اللي السما بتكون فيها غيوم والشمس مش ظاهره ، وكمان كانوا بيستخدموها زي المنبه Alarm ، ركز بقي في الحته دي وشوف الذكاء…

كانوا بيثبتوا مسمار تقيل في الشمعة عند العلامة اللي بتشير للفاصل الزمني المطلوب التنبيه فيه ولما الشمع اللي حولين المسمار بيدوب، المسمار بيقع على طبق معدن ويعمل صوت عالي ويقدر الشخص يعرف ان هو ده الوقت المطلوب .

وكانت أكتر ساعة شمعية تطوراً معروفة لحد النهاردة كانت هي الساعة اللي أخترعها العالم الكبير: بديع الزمان أَبو العز بن إسماعيل بن الرزاز الجزري سنة 1206وكان فيها عقرب لعرض الوقت ، والجزري هو اللي اخترع ساعة الفيل .

كاتب المقال :-

Sayed Fouda

Comments are closed.