Take a fresh look at your lifestyle.

الجلد البشري الألكتروني

50

العلم في العصر الحديث وصل لمرحلة مش طبيعية في التقدم في مجال الاطراف الصناعية ، وقدروا يوصلوا لاختراع جلد إلكتروني بيقدر يحس ويتفاعل مع الألم زي الجلد البشري الحقيقي . .

يعني لو شخص فاقد دراعه مثلا وركب جهاز تعويضي بالتكنولوجيا للجلد الالكتروني ده هيقدر يحس بكل حاجة زي الجلد البشري الحقيقي ، والاختراع ده ظهر بمجود كبير من باحثين في جامعة RMIT في ملبورن بأستراليا ودي تعتبر خطوة متطورة جدا في مجال الأطراف الصناعية. .

البشري الألكتروني
الجلد البشري الألكتروني

البروفيسور مادو باسكاران قال” إن التطور الجديد جعل العلماء قريبين جدا من صناعة روبوتات ذكية اقرب للبشر حتي في الاحساس علي جلدهم ، وكمان استخدام التكنولوجيا الحيوية هتساعد في انشاء ترقيع جلدي ذكي للناس المصابه بحروق شديدة أثرت علي الاحساس وهيكون في حلول اصطناعية متطوره في مجال طب التجميل “.

و قدر الفريق انه يتوصل إلى “إلكترونيات قابلة للمط” علشان يقدروا ينشئوا أجهزة يمكنها الاستجابة للمنبهات المؤلمة وكمان تحس بأي تغير في درجة الحرارة والضغط علشان تبقي زي الجلد البشري الحقيقي بكل صفاته.

التطور اللي وصله الباحثين الاستراليين حصل بعد شهر من تحقيق فريق من الباحثين في سنغافورة نجاح كبير في تطوير جلد إلكتروني قادر على إعادة إحساس اللمس ، وهو ابتكار هيسمح للأشخاص اللي بيستخدموا أطراف صناعية باكتشاف الأشياء و الشعور بالملمس و درجة الحرارة والألم وكمان هيمكن المستخدم من انه بلمسة واحدة بس ، بكون قادر على اكتشاف أنسجة مختلفة الخشونة “

وطبعا لو حصل اندماج بين باحثيين استراليا وسنغافورا في انشاء جلد بيحمل كل الصفات اللي قدر الفريقين انهم يوصلوله هيكون شئ عظيم وفي مصلحه الاشخاص اللي بتستخدم اطراف صناعية .

المصدر :

https://www.google.com/…/electronic-skin-that-reacts-to…

اتنشرت نتائج الدراسة في مجلة Advanced Intelligent Systems.
للي عايز يتعمق في الدراسة . .

كاتب المقال :-

Sayed Fouda

Comments are closed.