ومازال اكتشافات عالم المحيطات مستمر .
تعالي اقولك علي اطول كائن حي علي الكوكب لسه العلماء مكتشفينه .. لما بتفكر في أطول حيوان في العالم ، فطبيعي انك تتخيل حوت أو حبار عملاق بس الغريب ، ان اطول حيوان في العالم حيوان مختلف تماماً عن اي حاجه ممكن تيجي في بالك .
السيفونفور “siphonophore”
العلماء اكتشفوا من وقت قريب كائن بحري طويل أسمة السيفونفور “siphonophore” في أعماق المحيط قريب من غرب أستراليا ، وعلى الرغم من أنهم لسه بيكتشفون الطول الفعلي للسيفونفور ، لكن اغلب الظن ان الكائن الغريب ده طوله بيزيد عن 120 مترًا .
والعلماء اللي اكتشفوه بيقولوا أن السيفونفور اللي صوروا له فيديو أطول بثلاث مرات من الحوت الأحدب واطول مرتين من الحوت الأزرق المتوسط .
والحيوان الغريب ده يعتبر من الكائنات البحرية اللي بتعيش في اعماق المحيطات وكان صعب الوصول ليها قبل كدا ، وهي بتتغذي علي قنديل البحر والشعاب المرجانية ، وكمان بتعتبر من الحيوانات المفترسة آكلة اللحوم اللي بتتغذى على الأسماك والقشريات الصغيرة ، والسيفونوفر عنده أدوات تقطيع بيستخدمها لكن لسه مش عارفين ده بيتم بالظبط .
إكتشاف السيفونفور
واكتشاف الحيوان ده جيه بالصدفة لما كان مجموعة من العلماء في رحلة استكشافية تحت رعاية معهد شميدت للمحيطات .. وقالت قائدة البعثة العلمية نيريدا ويلسون : تم رصد المخلوق الغريب على عمق 630 مترًا لما كانت الغواصة في طريقها للصعود لسطح المحيط , وعلى الرغم من أن معظم الخبراء كانوا سابوا غرفة التحكم ، لكن بسرعة رجعوا علشان يشوفوا المخلوق الرائع اللي ظهر وكأنه “جسم غامض حلزوني .
استخدم الباحثون في البعثة الأستكشافية سفينة عالية التقنية وهي غواصة تعمل عن بعد ، للغوص بعمق بيوصل إلى 4439 متر في اعماق المحيط ، وعملوا اجمالي 20 غطسة بالغواصة واكتشفوا عدد كبير من الكائنات في أعماق المحيط ، واللي مكنتش موثقة قبل كدا ، لكن اللي تم تحديدة لحد دلوقتي حوالي 30 نوع جديد وبيحاولوا يدرسوا باقي الكائنات في الوقت الحالي .
Comments are closed.