أهمية تطعيم الانفلونزا الموسمية وما هي الجرعة المطلوبة وأعراضة الجانبية

متابعي موقع البريمو الكرام وخاصة المهتمين بمجال الصحة مقال اليوم بيحتوي علي كلام في منتهي الأهمية بخصوص مصل الإنفلونزا والتطعيم الخاص بيه خاصة مع إقتراب فصل الشتاء واللي بتزداد فيه حالات الإصابة بالإنفلونزا.

تنبيه بخصوص تطعيم الإنفلونزا هذا العام حيث يمثل تطعيم الإنفلونزا هذا العام أهمية قصوى حيث تحذر منظمة الصحة من تزامن الإصابة بالإنفلونزا مع إحتمالية الإصابة بفيروس كورونا المُستجد وقد تعاقدت وزارة الصحة المصرية على إستيراد لقاح الأنفلونزا الموسمية INFLUVAC_Tetra .

ماهو مصل الإنفلونزا الموسمية؟

فى اى حرب و علشان تتغلب على عدوك ، لازم تكون فاهمه و عارفه كويس و ده ببساطة شديدة معنى كلمة مصل لأن المصل معناه ان احنا جبنا الفيروس المسبب للانفلونزا و موتناه ( علشان ميضركش و لا يخليك تتعب) و بعدين بنحقنه ف جسمك ، فبكده يقدر جسمك او جهازك المناعى يتعرف عليه و يكوّن ليه اجسام مضادة من غير ما يسببلك ليك اى مشاكل يعنى من الاخر حركة دفاعية استباقية لتحفيز جهازك المناعيو بالتالي عند اصابتك بالفيروس الحقيقى الحى مرة ثانية جسمك يقدر يتغلب عليه بمنتهى السهولة

طيب هو ليه بينزل كل سنة مصل انفلونزا جديد ؟؟

ده لان الفيروس عدو صعب ، دايما بيغير خلقته الخارجية كل فترة علشان جهازك المناعى ميتعرفش عليهفعلشان كده المصل كل سنة لازم يتجدد.

يعنى انا لو اخدت المصل ده مش هتجيلى انفلونزا؟

اولا انا عايز اتفق معاك على حاجة قبل ما اجاوبك : لازم تبقى عارف ان فيه فرق ما بين الانفلونزا و دور البرد العادىالانفلونزا أعراضها زى البرد بس على أشد ومعاها كحة وسخونة وتكسير فى الجسمالمصل اللى انا بتكلم عنه هيحميك من الانفلونزا الفيروسية.

لو اتفقت معايا فى كام نقطة اللى فاتوا فانا حابب اقولك ان المصل ضد الانفلونزا الفيروسية هيفورلك 4 حاجات

فوائد مصل الانفونزا الموسمية:

1. حماية ٨٠٪ من الانفلونزا الفيروسية الموسمية

2. بيقلل حدة الأعراض

3. يقصر مدة الأعراض

4. والأهم إنه بيمنع المضاعفات

طيب هو مين اللى لازم يأخد مصل الانفلونزا الموسمية ؟؟

كلنا بلا استئناء لازم نأخذه ، و خصوصا اننا محتاجين مناعة قوية علشان نحصن نفسنا من اى دور انفلونزا ممكن يجيلنافيضعف مناعتنا و نكون عرضة لا قدر الله لاى فيروس تانى ( كورونا ) بس لو حبيت اوجه كلامى لناس بعينها :

1. الاطفال ثم الاطفال ثم الاطفال و خصوصا ان المدارس رجعت و احنا فى وقت صعب

2. مرضى حساسية الصدرلإن دور الإنفلونزا والبرد من المثيرات اللي ممكن تدخله في ازمة تنفسية لا قدر الله

3. مرضى الجيوب الانفية

4. ذو المناعة الضعيفة ، اللى مع اى دور برد بيحصلهم مشاكل كتير

5. كبار السن

6. الحوامل بس يُفضل بعد الثلاثة اشهر الاولى

7. المرضعات

المفروض يتاخد إمتى ؟يُفضل إعطاءه قبل دخول فصل الشتاء عشان مفعوله يبدأ يظهر عند بداية موسم البرد(بيستغرق من إسبوعين إلي ثلاثة أسابيع لظهور تأثيره)يعني افضل توقيت سبتمبر و أكتوبر و نوفمبرولا يُنصح بإعطاءه أثناء أدوار البرد لكن مش ممنوع

طيب يا دكتور انت ليه بتكلمني عنه دلوقتي يعني ما هو انت اكيد مش هتقول كلام جديد عن السنة اللي فاتت ؟

السنة ديه بقي فيه جديد و هو ان التطعيم اللي نازل هو( تطعيم انفلونزا رباعي) Influvac Tetra و دة غير التطعيم الثلاثي بتاع السنين اللي فاتت

ثلاثي و رباعي ايه اللي انت بتقول عليهم دول انا مش فاهم حاجة !!

أنواع فيروسات الانفلونزا:

فيروسات الانفلونزا دي فيه منها انواع منها : A و B كل نوع بيندرج تحتها سلالات معينة من الفيروسات و بناء علي عدد السلالات اللي موجودة ف التطعيم بنقول عليه ثلاثي و لا رباعي التطعيم الثلاثي : دة كان فيه (سلالتين من نوع A + سلالة واحدة من نوع B) التطعيم الرباعيده بقي فيه ( سلالتين من نوع A + سلالتين من نوع B)

جرعة مصل الانفلونزا الموسمية:

طيب هى الجرعة إيه يادكتور ؟ وهل ينفع لكل الأعمار ؟؟

اولا قبل سن 3 سنين مينفعش نأخذه

ثانيا فوق 3 سنين حتى 9 سنوات بياخذ المصل كله بس بشرط ان الطفل لو كان اول مرة يأخذه فى حياته لازم يكرر الجرعة بعد شهر

ثالثا 10 سنين فيما فوق رابعا البالغين وكبار السنبياخذ المصل مرة واحدة فقط

رابعا المصل يُعطى فى عضلة الكتف بعمقو ممكن تحت الجلد (في الذراع مثلا)

موانع تطعيم الانفلونزا الموسمية:

طيب فى موانع يادكتور للتطعيم او اعراض ؟؟

بالنسبة لموانع الاستخدام :

1. اى حد عنده حساسية من البيض او المضاد حيوى من نوع جينتاميسين

2. اي حد عنده حساسية من تطعيم الانفلونزا او احد مكوناته عموما

3. اى حد عنده حساسية من بعض المركبات زى( Formaldehyde, methyltriphenylphosphonium bromide, polysorbate 80)

ماهي الأعراض الجانبية لمصل الانفلونزا الموسمية:

بالنسبة للاعراض الجانبية :

1. فى بعض الحالات وجع بسيط وإحمرار أو تورم مكان الحقنة

2. نادرا ما يسبب سخونة أو صداع وآلام بالجسم

3. وحالات نادرة جدا جدا يحدث حساسية أو طفح جلدىو بالمناسبة مفيش اى تعارض بين تطعيم الانفلونزا الموسمى و اى تطعيمات و خلى بالك لازم التطعيم يكون محفوظ فى الثلاجة علشان ميبوظش يعنى تتأكدى انه ساقع قبل ما تأخذيه من اى مصدرو علشان انهى كلامى فيه شوية ملاحظات لازم نأكد عليها :

** اللقاح يؤجل و لكنه غير ممنوع لو كان الشخص عنده عدوى او درجة حرارته عالية

** اللقاح بيتاخد حقن عميق في عضلة الكتف ، و يجوز انه يتحقن تحت الجلد

**اللقاح دة مفيش اي اخبار او معلومات بتقول انه له علاقة بكرونا.

** اللقاح بيضمن لك الحماية من الاصابة بالسلالات اللي موجودة فيه فقط ، لكن بقيت السلالات بيبقي الدور الاكبر على جهاز المناعة.:

** فيه نوع تاني من تطعيم الانفلونزا اسمه Vaxigrip و الفرق بينه و بين ال Influvac Terta انه ممكن يتأخذ من اول سن 6 شهور.