Take a fresh look at your lifestyle.

أمبراطورية الظلام “الديب ويب” أخطر مكان في العالم

1٬516

🚫 تحذير : المقال فيه تفاصيل بشعة ، اللي قلبة مش حديد بلاش يكمل .. لكن كتيبة ال Heartless 💪🏻 مدمنين الأدرينالين ، جايبلكم 3 طن ادرينالين ، فجهزوا طقوس حكاية نص الليل وهاتوا حاجة تشربوها وشوفوا مكان هادي وهدوا الأضاءة علي الأخر وركز معايا علشان انا هخدك معايا لعالم غير العالم بتاعنا ده خالص .. يالا بينا …

قلب الجحيم

حكايتنا عن قلب الجحيم ، عن أكتر مكان غريب ومرعب في الدنيا ، هحكيلكم عن الديب ويب ، نادي المجرمين والسفاحين وتجار البشر وكل أشرار العالم ، الديب ويب هو أخطر مكان في العالم كله ، المكان ده عبارة عن شبكة كبيرة من مواقع الويب ، اللي مش هتقدر توصلها من خلال محركات البحث العادية زي جوجل وياهو وبينج ، ومش هتقدر تدخل لها عن طريق متصفحات الإنترنت زي جوجل كروم أو فاير فوكس .

لكن لو مصمم تدخل لقلب الجحيم يبقي لازم تعرف ان الديب ويب مش هتقدر تدخله غير عن طريق إستخدام تقنيات تشفيرية علشان يبقي صعب تحديد ومعرفة أصحاب المواقع اللي عليه ، ومش اصحاب المواقع بس ، ده التعامل بين المستخدمين في المواقع دي بيكون باستخدام تقنيات تشفيرية علشان يكون صعب جداً تحديد مكان أو هوية المستخدمين ، وبيرجع الفضل لعالم الكمبيوتر مايكل بيرجمان في صياغة مصطلح الديب ويب في سنة 2001 كمصطلح لفهرسة البحث ..

هبدأ بشوية معلومات اكيد كلكم سمعتوا عنها قبل كدا وهي ان شبكة الويب العالمية بتنقسم لـ 3 أجزاء :-

▪️الجزء الأول (الإنترنت العادي) :-

الإنترنت العادي اللي بنستخدم فيه المتصفحات العادية زي جوجل وياهو وفيسبوك والصفحات الظاهرة قدامنا والحاجات الجميلة بتاعة الناس الطيبين اللي زينا دي .. والانترنت العادي بتقدر بضغطة واحدة بس توصل للي انت عايزه ، وبيسموه الإنترنت الطافي او الانتر نت النظيف ، وهو قابل للفهرسة ، وكل الانترنت وكل المواقع اللي في العالم دي بتمثل 5% من إجمالي الانترنت الحقيقي والخفي اللي بيستخدم في العالم ..

▪️الجزء الثاني (الديب الويب Deep Web) :-

الديب الويب Deep Web أو الإنترنت الخفي أو الويب العميق ، وهو مستوى أعمق من الإنترنت العادي ، وبيستخدمه الهاكرز علشان يفكوا رموز وشفرات المواقع المختلفة والحصول على معلومات منها وده بيمثل 95% من إجمالي مساحة الإنترنت .

والديب ويب متقدرش تدخل عليه بنفس محركات البحث العادية زي جوجل وكروم والمحركات بتاعتنا اللي متعودين عليها ، لكن في برامج ومحركات بحث مخصوصة علشان تعرف تدخله ، لكن محتاجة يكون عندك معرفة كبيرة بالكود والشفرات علشان تعرف تتعامل معها، ومش ممكن تلاقيها على محركات البحث العادية .

والغريب أنها ملهاش جهة بتملكها أو تتحكم فيها وللصفحات دي بروتوكولات خاصة، علشان كدا مش هتلاقي علي الديب ويب النظم المعروفة في الإنترنت العادي ، زي .com ، والhttp ، http: .net/ ، واصلاً مش هتشتغل عليها ، وصفحات الديب ويب بتكون صفحات يتيمة يعني ملهاش اي روابط لصفحات تانية ، وفي صفحات ذات الوصول المحدود ، يعني لازم تدخل تكتب بنفسك كود او عنوان الصفحة اللي بيكون حد ادهولك لكن مفيش محرك بحث عادي يقدر يوصلك بيه وعلشان كدا صعب جدا جدا شخص او حتي حكومة تقدر تتبعها أو تتجسس عليها ولا على مستخدميها” .

والديب ويب الأقل خطر أو الأقل شر وسواد وموجود فيه مواقع سياسيين وأشهر الصحافيين ومواقع خاصة بالحكومات في مختلف دول العالم . وبيختار السياسيين و الصحافيين والإعلاميين الديب ويب لأنه مشفر بالكامل ولا يخضع للرقابة ومفيش أي جهة في العالم تقدر تراقبه أو تتعقبه أو توصل لأصحاب المواد المنشورة فيه , علشان كدا هنلاقي الحكومات بتستخدمه علشان تبقي المعلومات المتبادلة سرية تماما ومفيش اي حد يقدر يعرف شيء عنها , فأغلب السفارات في العالم بتستخدم الديب ويب في حالة الاتصال بينها وبين دول أخرى . وفي احدي السنوات استطاعت الحكومة الأمريكية أن تكشف عن رسائل بين إر H ابيين وبين احدي السفارات عن طريق الديب ويب .

▪️الجزء الثالث (الإنترنت المظلم Dark Web) :-

الإنترنت المظلم Dark Web والمرعب والبشع وفيه موجود حاجات بتحصل ممكن متجيش في ابشع احلامك وكوابيسك ، و ده هو الجزء الأعمق من الإنترنت ، ومفيش حد بيقدر يوصله إلا المحترفين والعباقرة في الكمبيوتر ، وبيكونوا متدربين كويس اوي على فك الشغرات والرموز الصعبة والمعقدة ، وبيدخلوا عليه عن طريق برامج التشفير ، وشبة مستحيل حد يعرف المستخدمين اللي عليه لان بيكون بيناته ومكانه مشفر بطريقه معقدة .

ده غير ان مفيش حد يقدر يدخل الدارك ويب لوحده ، لازم شخص يكون مصدر ثقة من الموجودين في الدارك ويب يبعتله دعوة علشان يقدر يدخل لعالم الشر والظلام ، وللأسف بحسب الإحصائيات الدارك ويب هو الاكثر استخدام .

طيب ليه اصلا عملوا الديب ويب ؟

تم إختراع (الويب المظلم Dark Web) لأول مرة فى أواخر التسعينيات من القرن اللي فات عن طريق البحرية الأمريكية و كان الغرض منه إيصال المعلومات و الإتصالات بشكل آمن وخفي و سريع عن طريق شبكة الإنترنت وبدأ عباقرة الكمبيوتر والهاكرز يدخلوا عليه وإنقلب السحر على الساحر و وبقي كل استخدماته فى الجرائم الإلكترونية وأي شر تتخيلة في الدنيا ، و سنة 2009 كان بيحصل خلط بين ( الويب العميق Deep Web) و ( الويب المظلم Dark Web ) لما كانت مصطلحات البحث في الدارك ويب مرتبطة مع الأنشطة غير القانونية والجرايم اللي بتحصل على شبكة دارك ويب ، والناس بدأت تعرف وتستخدم مصطلحات الدارك ويب والديب ويب بعد تقارير وسائل الإعلام اللي كانوا بيتكلموا فيها عن سقوط موقع طريق الحرير Silk Road وده كان اكبر موقع لتجاره المخدرات في العالم كله ..

وكمان كانت فكرة الهروب من رقابه الحكومات علي الانترنت سبب من الأسباب الرئيسة ورا ظهور الدارك ويب ، وفي سنة 1999، إيان كلارك عالم الكمبيوتر بجامعة إدنبرة بالمملكة المتحدة ، قال ان في عيوب في تصميم شبكة الإنترنت اللي كان عمرها 10 سنين بس في الوقت ده وقال كلارك أن باستخدام نظام العنونة العامة وبرامج التوجيه اللي ممكن تتبعها ، من السهل مراقبة الانترنت والرقابة عليه . وكان كلارك شايف أن يمكن للكيانات القوية زي الحكومات أو الشركات استخدام معلوماتنا اللي علي الانترنت للسيطرة علينا . وكمان إذا كانت شبكة الانترنت بتعتمد على بنية تحتية مركزية ، من عناوين الإنترنت ، فهيكون سهل جدا انهم يحظروا مواقع معينة ، زي مثلا المواقع اللي بتعارض وتنتقد الأحزاب الحاكمة والقادة ، وكل حاجة في أيد الدولة وبتقدر تتحكم فيه بمنتهى السهولة .

ومن الناحية الاقتصادية فممكن نسميها (رأسمالية المراقبة) اللي معروفة دلوقتي بتتبع كل اللي بنعمله على الإنترنت ، وبعد كدا بتقوم المواقع والشركات باستغلالنا واستغلال معلومات عنا علشان يكسبوا ، زي فيسبوك و جوجل وأمازون مثلا ودول أكبر وأوضح دليل لان الشركات دي بتنتهك خصوصيتنا بشكل وقح علشان مزيد من توجيه الإعلانات لنا .. ويمكن انتوا حصل معاكم حاجات زي دي تبقي بتتكلم مع صديقك عن تيشيرت اديداس مثلا ، وتفتح فيس بوك تلاقي اعلان عن التيشرتات الاديداس قدامك لأن بكل بساطه بيتجسسوا علي الناس عن طريق كل حاجة في الموبايلات والكمبيوتر .

انا بقي كان اول مرة أسمع عن الديب ويب من واحدة صديقتي كندية وكنا شغالين مع بعض وقالتلي عليه سنة 2010 بس مركزتش في الموضوع ومفهمتش تقصد ايه بان في أنترنت غير الأنترنت اللي أحنا عارفينه ، وحاولت تشرحلي بس وقتها انا مكنتش مهتم .. لحد ما كنت في أجازة في مصر سنة 2017 وقابلت صديق ليا وحكالي انه دخل علي الديب ويب ، وانه ندمان وبيقول يارتني مادخلت لأنه مستحملش اللي شافه واللي عرفه ، ومن ضمن اللي حكالي عليه كان الغرف الحمراء .

حكاية أمبراطورية الظلام

121149160 193500388890440 7896178284519853168 n
أمبراطورية الظلام

الديب ويب زي ماقولتلكم هو مكان تجمع أشر بشر علي وجهه الأرض وبيعملوا اي حاجة في أي وقت منغير ماحد يعرفهم عنهم اي حاجة ، ودلوقتي هحكيلكم قصة حصلت في السعودية لشاب اسمه خالد ، وكان بيدرس في جامعة في مدينة بعيد عن المدينة اللي عايش فيها فكان ساكن في مدينة جامعية ، وكان بيقول :”انا خالد وعايش في سكن الطلبه الخاص بطلبة الجامعة وعرفت ان معظم الشباب اللي هنا بيدخلوا علي حاجة اسمها الديب ويب لكن انا مكنتش بهتم بس في يوم فضولي خلاني عايز اجرب ادخل الديب ويب واشوف ايه بيحصل فيه ، وقولت لصديق ليا محترف في مواضيع الكمبيوتر اني عايز ادخل علي الديب ويب وفي البداية كان مستغرب وقالي بس ليه كدا ؟ دا مكان كله شر ودم ، قولتله عايز اجرب ، قالي خلاص هنزلك كل برامج الحماية علشان تمنع عنك بعض المواقع الخطر وانزلك متصفح (تور Tor) علشان ده المتصفح الوحيد اللي هتقدر تدخل بيه الديب ويب , وفعلا نزلي كل البرامج وبدأت ادخل اشوف العالم الغريب اللي كل الناس بتتكلم عنه وبيحكي حكايات واساطير ، وكنت كل يوم بليل ادخل ساعه أو ساعتين وأيام كانت بكون مشغول بالمذاكره ومكنتش بقدر ادخل عليه ‎لكن في الاوقات اللي كنت بدخل الديب ويب كنت بشوف حاجات غريبة ويمكن انا كنت بكون مبسوط علشان بحب المغامرة والحاجات الغامضة ..

‎في الفترة دي عرفت حاجات كتير جدا عن عالم الديب ويب الإجرامي والمتوحش ، عرفت ان في جرائم اغتصاب أطفال وتجارة الأسلحة وأسواق بيع البشر ، وان العصابات بتقدر توصل لحد غرف نوم الأطفال وتخطفهم وتبعهم او تبيع اعضائهم للي يشتري .. وشوفت كمان ألعاب الموت ودي ألعاب في اغلب الوقت بتؤدي في نهايتها بحياة اللاعب اللي بيستخدمها ، والألعاب دي بتكون عبارة عن طلاسم وطرق لتحضير الجان منغير ما يلاحظ الشخص اللي بيلعبها زي مثلا :‎ لعبة الحوت الأزرق واللي بسببها مات ناس كتير على مستوى العالم ، ومنهم مصريين وجزائرين كتير جدا ومن كل الدول العربيه لكن مصر والجزائر كانت اكتر دولتين في الوطن العربي يموت منها ناس بسبب اللعبه الملعونه التي بتجبر اللاعبين على بعض الخطوات لمدة 40 يوم ، وبعد كدا بتدخل على بيانات اللاعب ويبدأ مبرمجي اللعبة في استخدامها ضده لحد ما ينتحر ، بعد ما يهددوه بقتل أسرته كلها ، واللعبة بتعتمد على بعض المعادلات النفسية ، اللي بيقدر الشخص من خلالها التحكم في اللاعبين اللي بيلعبوا اللعبة قدامه ، وإقناعهم باللي هو عايزه حتى لو كان الانتحار . . واللي الناس متعرفهوش ان معظم اللي بيلعبوه اللعبه دي بيكون معمول هاكنج علي تلفوناتها وبتصورهم صوت وصوره وبيكون طالع لايف لمشتركين علي الدارك ويب وبيدفعوا فلوس كتير اوي علشان تشوف الناس دي بتنتحر بطرق بشعه وبيكون معظمهم اطفال .

‎وعرفت ان في دائرة سرية بتدير الديب ويب المخيف والدموي واللي بيخرج عن القواعد وبيفشي الأسرار او يتسبب في مشاكل كبيرة لبعض المستخدمين بيتقتل بطريقة بشعة ومنها مثلا الجمجمة السوداء ، يعني موت المستخدم بأبشع الطرق واحتوت بعض مذكرات المستخدمين على ظهور شاشة سوداء وعليها جمجمة ، وبعدها ماتوا بطرق بشعة ، زي التقطيع بالمنشار الكهربائي او الاذاية في أحماض كيميائية او تسليمة لعصابات الريد روم بمبالغ مالية كبيرة .

‎‏‎ومن الحاجات البشعة برضو اللي شوفتها علي الدارك ويب ، الأرنب السيئ و هو مجرم في الديب ويب كان اختصاصه تعذيب وقتل الأطفال بطرق بشعة ومرعبه .. ( كان نزل بوست عن اختفاء الاطفال وجزء كبير جدا من الاطفال اللي بتتخطف بتروح لمجرمين الديب ويب علشان يكسبوا ملايين اكتر علي حساب اطفال ابرياء ملهمش اي دنب في حاجة .

نرجع تاني للارنب السئو هوا مجرم و قاتل محترف و من اشهر مجرمين الدارك ويب وبيممارس كل افعاله الاجرامية و طبعا بيخفي هويته بشكل احترافي ، ومكنش حد يعرف اسمه ولا شكله الحقيقي لكن معروف عنه أنه عنده 63 سنه والصورة بتاعته هي الحاجة الوحيدة اللي انتشر عنه (هحطها في الكومنت) والارنب السئ بيخطف الأطفال او بيقوم بشرائهم من العصابات عن طريق الدارك ويب ، بس في معظم الاوقات كان بيخطف الاطفال وبيستخدمهم في الغرفة الحمراء او Red room وبيقطعهم ويخلع عيونهم ودوافرهم وانواع بشعه من العذاب وبنشر كل ده في بث مباشر مقابل مئات الالاف من الدولارات ،‎ ‏وكان بيغتصب أطفال بداية من سن 8 شهور !! ‎وكان المشتركين المرضي النفسيين بيدفعوا الاف مقابل مشاهدة الجرائم الفظيعة دي ، وطبعا أغلب الاطفال كانوا بيموتوا أثناء عملية التعذيب ، وبعضهم كان بيقتلهم بطرق وحشية وبشعة زي انه يقطعهم نصين بالمنشار الكهربائي .

‎‏وفي سنة 2014 ، الشخص ده خطف طفل ولكن من حسن الحظ أن والدي الطفل المخطوف كانوا وضعين ساعة في ايد الطفل بتشتغل بنظام GPS علشان يقدروا تتبع مكانه .. ‎وتم ابلاغ الشرطة عن موقع الطفل فراحوا بسرعة للمكان ، ولما وصلوا اتصدموا من اللي شافوه ، لقوا أن الطفل موجود في مزرعة كبيرة ، فاقتحموا المزرعة ، فوجدوا عدة تصوير ومكان لتصوير الأطفال أثناء التعذيب وبعد ما قبضوا عليه اعترف لهم أنه يملك أكثر من 20 شخص مشترك معه في الجرائم دي , وبعد تفتيش المزرعة وجدوا في الأرض اكثر من 760 جثة طفل مدفونين ووجدوا حوالي 92 طفل اتقفل عليهم في كوخ داخل المزرعه وسابهم منغير طعام أو شراب .. ‎واطفال تمت اذابتهم في احماض كميائية قدام الكاميرات .. والمصيبة ان في الاف البشر عديمي الانسانية بتشجعه وبتدفع اموال طائله علشان يشوفوا الجرايم البشعة دي .

‎مسكته الشرطة البرازيلية و بلغت الأمن الامريكي عنه وبعد فترة تم تنفيذ حكم الإعدام عليه .. ‎لكن للاسف دي مش النهاية لأن في زي الارنب السئ الأف المجرمين وفي منهم اللي بيشتغلوا لوحدهم ومنهم اللي بيشتغلوا في عصابات ضخمه علي الدارك ويب وبيكسبوا ملايين ويمكن مليارات الدولارات من البزنس القذر ده .. ‎مفيش استخدام للأموال اللي بنستخدمها زي الدولار واليورو والجنية مثلا لكن التعامل علي الديب ويب بيكون بعمله ‎البيت كوين وهي عملة رقمية بتعتمد على تشفير وتجميد الحسابات بطريقة صعبة ، ومبيقدرش يفكها إلا الطرف البائع في العمليات .. وموجود عشرات الأنواع من العملات دي زي الـ Bitcoin” ولايتكوين وفاكوين ونيمكوين وبيركوين وفزركوين» .

‎ومن ابشع الحاجات اللي شوفتها وعرفتها علي الدارك ويب هي حفلات القتل الجماعية ، وحفلات عبدة الشيطان ، ومواقع بيع كتب للطلاسم الخاصة بجلب الشياطين . ‎وطهي النساء ودي كانت من الحاجات البشعة الموجودة علي الدارك ويب و هو الدليل الشامل لطبخ النساء وطبخ أجزاء من جسمهم ، مع الاحتفاظ بالضحية عايشة لاخر لحظة وبيكون باستخدام ادوات معينه بيتم شراها برضو من الدارك ويب .. ‎وتقدر بكل سهوله تشتري اي عضو من اعضاء الانسان من هناك ‎وبيع السموم بكل أنواعها وفي سنة 2015 تم إلقاء القبض على مهندس بعد شراءه كمية 5 ملليجرام من مادة كيميائية سامة اسمها “سم الريسين” واللي تكفي لتسميم 1400 شخص .

‎كل ده وانا بتفرج وداخل من مجال لمجال في الشر والاجرام ومش مصدق اللي بشوفه ومصدوم من العالم الخفي اللي موجود في الدنيا وملايين البشر ميعرفوش حاجة عنه ، كل معلومه بعرفها بتصدم وبشوف العالم بشكل تاني ، وطول الوقت بفكر في اهلي واخواتي وان في اي لحظة ممكن حد فيهم ممكن لا قدر الله يكون ضحية لسفاح من سفاحين الدارك ويب .

حكايات حقيقية إعداد وكتابة الرائع أ / سيد فودة

قصص حقيقية أخرى أعدها الأستاذ سيد فودة

جزيرة الأفاعي ، لا يُسمح لوجود البشر بها
كاثرين ملكة الدم (18+)
الكندي تيم ماكلين “قصة حقيقية مرعبة”
لغز من ألغاز السفر عبر الزمن
واحد كان بيحب الأكل لدرجة انه كان بياكل أي حاجة كانت بتيجي قدامه حتي لو كانت قطه او كلب او حتي طفل صغير
إستعمال الكلاب في حرب الأتحاد السوفيتي مع هتلر
جورجي دوجا ملك علي الجمر
قصة سيسل والماء الاسود في الفندق الملعون
لغز سفاح أوكرانيا
حديقة الموت
التحنيط بتدخين الجثث في غينيا الجديدة
كيفين كارتر صاحب جائزة بولتزر للصورة مصور صورة طفلة السودان
عبود وزوجته خجاوة جزارين البشر في العراق
مغامر أمريكي في كهوف ولاية يوتا بالولايات المتحدة الأمريكية
الأبوريجينيز سكان استراليا الاصليين
الميثلوجيا اليونانية ” سرير بروكرست – Procrustean bed “
اطول كائن حي علي الكوكب أكتشفه العلماء حديثاً
إنقراض سمكة المجداف الصينية القادرة على البقاء على قيد الحياة لمدة 200 مليون سنة
قصة شعار شركة من اكبر شركات الانتاج السينمائي في الولايات المتحدة و في العالم
تعرف مزيداً على كوكاكولا أقدم مشروب صودا
هيوستن Houston أكبر مدن ولاية تكساس

Comments are closed.