Take a fresh look at your lifestyle.

أصل تسمية ولاية كاليفورنيا

86

لو سهران وفاضي ومبتعملش حاجة تعالي احكيلك قصة غريبة شويه..

عارفين ولاية كاليفورنيا الأمريكية ؟

اكيد عارفينها لكن اللي ممكن تكونوا مش عارفينه هو اصل تسميتها.
اسم كاليفورنيا جاي من رواية رومانسية كتبها مؤلف إسباني اسمه جارسيا أوردونيز دي مونتالفو، والرواية دي بتوصف جزيرة كلها نساء جميلة وقوية من اصول افريقية وبتحكمها ملكة سمراء ضخمة وقوية اسمها كالافيا ، وكان بيعيش علي الجزيرة دي برضو كائنات الغريفين، ودي عبارة عن مخلوقات خرافية برأس وجناحين نسر وجسم أسد..

ونساء الجزيرة بيحتفظوا بالكائنات دي كحيوانات أليفة، زي القطط والكلاب عندنا كدا يعني، وكان اي رجل بيدخل الجزيرة بيتقتل ويقدموا جثته للغريفين علشان يكله، وكان أسم الجزيرة الأسطورية دي هو كاليفورنيا.

ايه بقي علاقة اسم الجزيرة الأسطورية دي بتسمية ولاية كاليفورنيا ؟

الحكاية ان المستكشفون الإسبان لما اكتشفوا امريكا في القرن ال16 خدوا اسم كاليفورنيا من قصة مونتالفو، علشان كانت تشبه الجزيرة اللي في الرواية و المفجأة بقي انه استوحى الاسم من كلمة Khalifa اللي هو كان لقب ملكه الجزيرة وكلمه Khalifa معناها بالعربي خليفة المسلمين او زعيم المسلمين، وعلشان مونتالفو كان اسباني فكان عارف كلمات عربية كتير وعارف معني كلمه خليفه لأن المسلمين حكموا إسبانيا قرون طويله وبالتحديد من سنة 711 لسنة 1492م.

والاسم فضل يتطور لغويا وبسبب صعوبة نطق حرف الخاء علي الاوربيين بقي اسمها في النهاية كالفورنيا.

المصدر :

https://en.m.wikipedia.org/…/Origin_of_the_name_California

كاتب المقال :-

Sayed Fouda

قصص حقيقية أخرى أعدها الأستاذ سيد فودة

Comments are closed.